ການສ້າງຜັງງານ

ວິທີການສ້າງຜັງງານ:

1. ເລືອກເຄື່ອງມືຈາກແຖບເຄື່ອງມື ຜັງງານ ໃນແຖບ ການແຕ້ມ.

2. ລາກຮູບຮ່າງລົງໃນສະໄລ້ຂອງທ່ານ.

3. ເພື່ອເພີ່ມຮູບຮ່າງຕື່ມອີກ, ໃຫ້ປະຕິບັດຕາມຂັ້ນຕອນຜ່ານມາຄືນ.

4. ເປີດແຖບເຄື່ອງມື ຕົວເຊື່ອມຕໍ່ ໃນແຖບ ການແຕ້ມ, ແລ້ວເລືອກເສັ້ນເຊື່ອມຕໍ່.

5. ຍ້າຍຕົວຊີ້ໄປໄວ້ເທິງຂອບຂອງຮູບຮ່າງເພື່ອໃຫ້ຈຸດເຊື່ອມຕໍ່ປາກົດຂຶ້ນມາ.

6. ຄລິກໃສ່ຈຸດເຊື່ອມຕໍ່, ລາກໄປຫາຈຸດເຊື່ອມຕໍ່ໃນຮູບຮ່າງອື່ນ, ແລ້ວປ່ອຍ.

7. ເພື່ອເພີ່ມຕົວເຊື່ອມຕໍ່ຕື່ມອີກ, ໃຫ້ປະຕິບັດຕາມຂັ້ນຕອນຜ່ານມາຄືນ.

ຕອນນີ້ທ່ານໄດ້ໂຄງຮ່າງພື້ນຖານສຳລັບຜັງງານຂອງທ່ານແລ້ວ.

ວິທີການເພີ່ມຂໍ້ຄວາມລົງໃນຮູບຮ່າງຂອງຜັງງານ

ໃຫ້ປະຕິບັດຢ່າງໃດຢ່າງໜຶ່ງລຸ່ມນີ້:

• ດັບເບິລຄລິກໃສ່ຮູບຮ່າງ, ແລ້ວພິມ ຫຼື ວາງຂໍ້ຄວາມຂອງທ່ານ.

• ຄລິກໄອຄອນ ຂໍ້ຄວາມ ໃນແຖບ ການແຕ້ມ, ແລ້ວລາກວັດຖຸຂໍ້ຄວາມໄປໄວ້ເທິງຮູບຮ່າງ. ພິມ ຫຼື ວາງຂໍ້ຄວາມຂອງທ່ານລົງໃນວັດຖຸຂໍ້ຄວາມນັ້ນ.

ວິທີການໃສ່ສີພື້ນໃນຮູບຮ່າງ:

1. ເລືອກຮູບຮ່າງ, ແລ້ວເລືອກ ຮູບແບບ - ພື້ນທີ່.

2. ເລືອກ ສີ, ແລ້ວຄລິກເລືອກສີໃນລາຍການ.

ວິທີການເພີ່ມຈຸດເຊື່ອມໂຍງເພື່ອໄປຫາສະໄລ້ອື່ນ:

ກຳນົດ ການໂຕ້ຕອບ ໃຫ້ກັບບາງວັດຖຸໃນສະໄລ້ຂອງທ່ານ.

1. ເລືອກວັດຖຸ, ແລ້ວເລືອກ ການນຳສະເໜີ - ການໂຕ້ຕອບ.

2. ເລືອກຮູບແບບການໂຕ້ຕອບໃນກ່ອງໂຕ້ຕອບ. ຕົວຢ່າງ, ເລືອກໃຫ້ໄປຫາສະໄລ້ຖັດໄປເມື່ອຜູ້ໃຊ້ຄລິກໃສ່ວັດຖຸນັ້ນ.