ແຊກຄໍລໍາຖານຂໍ້ມູນ
ແຊກທຸກຟິລຂອງລະບຽນທີ່ໝາຍໄວ້ລົງໃນເອກະສານປັດຈຸບັນທີ່ຕຳແໜ່ງເຄີເຊີ. ໄອຄອນຈະສະແດງໃຫ້ເຫັນກໍຕໍ່ເມື່ອເອກະສານປັດຈຸບັນເປັນເອກະສານຂໍ້ຄວາມ ຫຼື ສະເປຣດຊີດ.
ໃນຕົວສຳຫຼວດແຫຼ່ງຂໍ້ມູນ, ໃຫ້ເລືອກລະບຽນທີ່ທ່ານຕ້ອງການແຊກລົງໃນເອກະສານ ຈາກນັ້ນຄລິກໄອຄອນ ຂໍ້ມູນເປັນຂໍ້ຄວາມ. ລະບຽນຈະຖືກແຊກລົງໃນເອກະສານທີ່ຕຳແໜ່ງເຄີເຊີ, ໂດຍເນື້ອໃນຂອງແຕ່ລະຟິລຂອງລະບຽນຈະຖືກສຳເນົາລົງໃນຄໍລໍາຕາຕະລາງ. ທ່ານຍັງສາມາດເລືອກຫຼາຍລະບຽນ ແລະ ຍ້າຍພວກມັນລົງໃນເອກະສານໄດ້ໂດຍການຄລິກໄອຄອນ ຂໍ້ມູນເປັນຂໍ້ຄວາມ. ແຕ່ລະລະບຽນຈະຖືກຂຽນລົງໃນແຖວໃໝ່.
ໃນຕົວສຳຫຼວດແຫຼ່ງຂໍ້ມູນ, ໃຫ້ເລືອກລະບຽນທີ່ທ່ານຕ້ອງການແຊກລົງໃນເອກະສານ ຈາກນັ້ນຄລິກໄອຄອນ ຂໍ້ມູນເປັນຂໍ້ຄວາມ, ຫຼື ລາກຂໍ້ມູນຈາກຕົວສຳຫຼວດແຫຼ່ງຂໍ້ມູນມາປ່ອຍລົງໃນເອກະສານ. ນີ້ຈະເປີດກ່ອງໂຕ້ຕອບ ແຊກຄໍລໍາຖານຂໍ້ມູນ. ເລືອກວ່າຈະໃຫ້ແຊກຂໍ້ມູນເປັນ ຕາຕະລາງ, ເປັນ ຟິລ ຫຼື ເປັນ ຂໍ້ຄວາມ.
ຄ່າທີ່ທ່ານຕັ້ງໄວ້ໃນກ່ອງໂຕ້ຕອບ ແຊກຄໍລໍາຖານຂໍ້ມູນ ຈະຖືກບັນທຶກໄວ້ ແລະ ຈະມີຜົນໃນຄັ້ງຕໍ່ໄປທີ່ເອີ້ນໃຊ້ກ່ອງໂຕ້ຕອບ. ຂະບວນການບັນທຶກນີ້ແມ່ນແຍກຕ່າງຫາກຈາກຖານຂໍ້ມູນ ແລະ ສາມາດບັນທຶກຄ່າທີ່ຕັ້ງໄວ້ໄດ້ສູງສຸດ 5 ຖານຂໍ້ມູນ.
ຫາກຂໍ້ມູນຖືກແຊກລົງໃນເອກະສານເປັນຕາຕະລາງ, ຄຸນສົມບັດຂອງຕາຕະລາງຈະບໍ່ຖືກບັນທຶກໄວ້ພ້ອມກັບຂໍ້ມູນໃນເອກະສານ. ຫາກທ່ານເລືອກຟັງຊັນ ຮູບແບບອັດຕະໂນມັດ ເພື່ອຈັດຮູບແບບຕາຕະລາງ, LibreOffice ຈະຈື່ຊື່ຂອງແມ່ແບບຮູບແບບນັ້ນໄວ້. ແມ່ແບບນີ້ຈະຖືກນຳໃຊ້ໂດຍອັດຕະໂນມັດຫາກທ່ານແຊກຂໍ້ມູນເປັນຕາຕະລາງອີກຄັ້ງ, ຍົກເວັ້ນແຕ່ຫາກມີການປ່ຽນແປງຄ່າທີ່ຕັ້ງໄວ້.
