ການນຳໃຊ້ຕົວຕອງ
ຕົວຕອງ ແລະ ຕົວຕອງຂັ້ນສູງຊ່ວຍໃຫ້ທ່ານສາມາດເຮັດວຽກກັບແຖວ (ເຣັກຄອດ) ທີ່ຖືກຕອງໄວ້ໃນຊ່ວງຂໍ້ມູນ. ໃນແຜ່ນງານຂອງ LibreOffice ມີຄວາມເປັນໄປໄດ້ຫຼາຍຢ່າງໃນການນຳໃຊ້ຕົວຕອງ.
-
ປະໂຫຍດໜຶ່ງຂອງຟັງຊັນ ຕົວຕອງອັດຕະໂນມັດ (AutoFilter) ແມ່ນເພື່ອຈຳກັດການສະແດງຜົນໃຫ້ເຫັນສະເພາະເຣັກຄອດທີ່ມີຂໍ້ມູນຄືກັນໃນຟິວຂໍ້ມູນໃດໜຶ່ງໄດ້ຢ່າງວ່ອງໄວ.
-
ໃນກ່ອງໂຕ້ຕອບ ຕົວຕອງມາດຕະຖານ, ທ່ານຍັງສາມາດກຳນົດຊ່ວງທີ່ມີຄ່າໃນຟິວຂໍ້ມູນສະເພາະໄດ້. ທ່ານສາມາດໃຊ້ຕົວຕອງມາດຕະຖານເພື່ອເຊື່ອມຕໍ່ເງື່ອນໄຂດ້ວຍຕົວດຳເນີນການທາງຕັກກະສາດ AND ຫຼື OR.
-
ຕົວຕອງຂັ້ນສູງ ສາມາດກຳນົດເງື່ອນໄຂການຕອງໄດ້ທັງໝົດເຖິງແປດເງື່ອນໄຂ. ດ້ວຍຕົວຕອງຂັ້ນສູງ ທ່ານສາມາດປ້ອນເງື່ອນໄຂລົງໃນແຜ່ນງານໂດຍກົງ.
ເພື່ອ ລຶບຕົວຕອງອອກ ເພື່ອໃຫ້ທ່ານເຫັນທຸກເຊວອີກຄັ້ງ, ໃຫ້ຄລິກພາຍໃນພື້ນທີ່ທີ່ນຳໃຊ້ຕົວຕອງ, ແລ້ວເລືອກ .
ເມື່ອທ່ານເລືອກຫຼາຍແຖວຈາກພື້ນທີ່ທີ່ມີການນຳໃຊ້ຕົວຕອງ, ການເລືອກນີ້ອາດຈະລວມເອົາທັງແຖວທີ່ເຫັນໄດ້ ແລະ ແຖວທີ່ຖືກເຊື່ອງໄວ້ໂດຍຕົວຕອງ. ຖ້າທ່ານຈັດຮູບແບບ ຫຼື ລຶບແຖວທີ່ເລືອກ, ການດຳເນີນການນີ້ຈະມີຜົນກັບສະເພາະແຖວທີ່ເຫັນໄດ້ເທົ່ານັ້ນ. ແຖວທີ່ຖືກເຊື່ອງໄວ້ຈະບໍ່ໄດ້ຮັບຜົນກະທົບ.
ນີ້ແມ່ນສິ່ງທີ່ກົງກັນຂ້າມກັບແຖວທີ່ທ່ານເຊື່ອງໄວ້ດ້ວຍຕົນເອງໂດຍໃຊ້ຄຳສັ່ງ ຮູບແບບ - ແຖວ - ເຊື່ອງແຖວ. ແຖວທີ່ຖືກເຊື່ອງດ້ວຍຕົນເອງຈະຖືກລຶບໄປເມື່ອທ່ານລຶບສ່ວນທີ່ເລືອກທີ່ມີແຖວເຫຼົ່ານັ້ນຢູ່.
