ຟັງຊັນຄະນິດສາດ

ໝວດໝູ່ນີ້ປະກອບມີຟັງຊັນ ຄະນິດສາດ ສຳລັບ Calc. ເພື່ອເປີດ ຕົວຊ່ວຍສ້າງຟັງຊັນ, ໃຫ້ເລືອກ ແຊກ - ຟັງຊັນ.

AGGREGATE

ຟັງຊັນນີ້ສົ່ງຄືນຜົນສັງລວມຂອງການຄຳນວນໃນຊ່ວງຂໍ້ມູນ. ທ່ານສາມາດໃຊ້ຟັງຊັນການສັງລວມຕ່າງໆທີ່ລະບຸໄວ້ລຸ່ມນີ້. ຟັງຊັນ Aggregate ຊ່ວຍໃຫ້ທ່ານສາມາດລະເວັ້ນແຖວທີ່ເຊື່ອງໄວ້, ຂໍ້ຜິດພາດ, ຜົນຂອງ SUBTOTAL ແລະ ຜົນຂອງຟັງຊັນ AGGREGATE ອື່ນໆ ໃນການຄຳນວນໄດ້.

RAWSUBTRACT

ລົບຊຸດຕົວເລກ ແລະ ໃຫ້ຜົນລັດໂດຍບໍ່ໄດ້ກຳຈັດຂໍ້ຜິດພາດເລັກໆນ້ອຍໆຈາກການປັດເສດ.

SUM

ບວກຊຸດຂອງຕົວເລກ.

SUMIF

ກວດສອບວ່າຄ່າໃດໃນຊ່ວງຂອງຫ້ອງທີ່ກົງກັບເງື່ອນໄຂທີ່ລະບຸ, ແລ້ວສົ່ງຄືນຜົນບວກຂອງຄ່າທີ່ກົງກັນນັ້ນ. ຫຼື ຟັງຊັນນີ້ສາມາດກວດສອບຄ່າໃນຊ່ວງຫ້ອງໜຶ່ງຕາມເງື່ອນໄຂ, ແລ້ວສົ່ງຄືນຜົນບວກຂອງຄ່າໃນຫ້ອງທີ່ກົງກັນໃນຊ່ວງຫ້ອງທີສອງ.

COLOR

ສົ່ງຄືນຄ່າຕົວເລກທີ່ຄິດໄລ່ຈາກການປະສົມສາມສີ (ແດງ, ຂຽວ, ຟ້າ) ແລະ ຊ່ອງອັນຟາ (Alpha) ໃນລະບົບສີ RGBA. ຜົນໄດ້ຮັບແມ່ນຂຶ້ນກັບລະບົບສີຂອງຄອມພິວເຕີທ່ານ.

SUMIFS

ສົ່ງຄືນຜົນບວກຂອງຄ່າໃນເຊວຂອງຊ່ວງທີ່ກົງກັບຫຼາຍເງື່ອນໄຂໃນຫຼາຍຊ່ວງ.

ABS

ສົ່ງຄືນຄ່າສຳບູນຂອງຕົວເລກ.

ໄວຍາກອນ

ABS(ຕົວເລກ)

ຕົວເລກ ແມ່ນຕົວເລກທີ່ຕ້ອງການຄິດໄລ່ຄ່າສຳບູນ. ຄ່າສຳບູນຂອງຕົວເລກແມ່ນຄ່າຂອງມັນໂດຍບໍ່ມີເຄື່ອງໝາຍ +/-.

ຕົວຢ່າງ

=ABS(-56) ສົ່ງຄືນ 56.

=ABS(12) ສົ່ງຄືນ 12.

=ABS(0) ສົ່ງຄືນ 0.

ACOS

ສົ່ງຄືນຄ່າປີ້ນໂຄຊາຍໄຕມຸມມິຕິຂອງຕົວເລກ.

ໄວຍາກອນ

ACOS(ຕົວເລກ)

ຟັງຊັນນີ້ສົ່ງຄືນຄ່າປີ້ນໂຄຊາຍໄຕມຸມມິຕິຂອງ ຕົວເລກ, ນັ້ນຄືມຸມ (ເປັນເຣດຽນ) ທີ່ມີຄ່າໂຄຊາຍເທົ່າກັບຕົວເລກ. ມຸມທີ່ສົ່ງຄືນຈະຢູ່ລະຫວ່າງ 0 ຫາ ພາຍ (PI).

ເພື່ອສົ່ງຄືນມຸມເປັນອົງສາ, ໃຫ້ໃຊ້ຟັງຊັນ DEGREES.

ຕົວຢ່າງ

=ACOS(-1) ສົ່ງຄືນ 3.14159265358979 (ພາຍ ເຣດຽນ)

=DEGREES(ACOS(0.5)) ສົ່ງຄືນ 60. ຄ່າໂຄຊາຍຂອງ 60 ອົງສາແມ່ນ 0.5.

ACOSH

ສົ່ງຄືນຄ່າໂຄຊາຍໄຮເປີໂບລິກປີ້ນຂອງຕົວເລກ.

ໄວຍາກອນ

ACOSH(ຕົວເລກ)

ຟັງຊັນນີ້ສົ່ງຄືນຄ່າໂຄຊາຍໄຮເປີໂບລິກປີ້ນຂອງ ຕົວເລກ, ນັ້ນຄືຕົວເລກທີ່ມີຄ່າໂຄຊາຍໄຮເປີໂບລິກເທົ່າກັບຕົວເລກ.

ຕົວເລກຕ້ອງຫຼາຍກວ່າ ຫຼື ເທົ່າກັບ 1.

ຕົວຢ່າງ

=ACOSH(1) ສົ່ງຄືນ 0.

=ACOSH(COSH(4)) ສົ່ງຄືນ 4.

ACOT

ສົ່ງຄືນຄ່າໂກຕັງຊັງປີ້ນ (arccotangent) ຂອງຕົວເລກທີ່ກຳນົດໃຫ້.

ໄວຍາກອນ

ACOT(ຕົວເລກ)

ຟັງຊັນນີ້ສົ່ງຄືນຄ່າປີ້ນໂກຕັງຊັງໄຕມຸມມິຕິຂອງ ຕົວເລກ, ນັ້ນຄືມຸມ (ເປັນເຣດຽນ) ທີ່ມີຄ່າໂກຕັງຊັງເທົ່າກັບຕົວເລກ. ມຸມທີ່ສົ່ງຄືນຈະຢູ່ລະຫວ່າງ 0 ຫາ ພາຍ (PI).

ເພື່ອສົ່ງຄືນມຸມເປັນອົງສາ, ໃຫ້ໃຊ້ຟັງຊັນ DEGREES.

ຕົວຢ່າງ

=ACOT(1) ສົ່ງຄືນ 0.785398163397448 (ພາຍ/4 ເຣດຽນ).

=DEGREES(ACOT(1)) ສົ່ງຄືນ 45. ຄ່າຕັງຊັງຂອງ 45 ອົງສາແມ່ນ 1.

ACOTH

ສົ່ງຄືນຄ່າໂກຕັງຊັງໄຮເປີໂບລິກປີ້ນຂອງຕົວເລກທີ່ກຳນົດໃຫ້.

ໄວຍາກອນ

ACOTH(ຕົວເລກ)

ຟັງຊັນນີ້ສົ່ງຄືນຄ່າໂກຕັງຊັງໄຮເປີໂບລິກປີ້ນຂອງ ຕົວເລກ, ນັ້ນຄືຕົວເລກທີ່ມີຄ່າໂກຕັງຊັງໄຮເປີໂບລິກເທົ່າກັບຕົວເລກ.

ຈະເກີດຂໍ້ຜິດພາດຖ້າຕົວເລກຢູ່ລະຫວ່າງ -1 ຫາ 1.

ຕົວຢ່າງ

=ACOTH(1.1) ສົ່ງຄືນຄ່າໂກຕັງຊັງໄຮເປີໂບລິກປີ້ນຂອງ 1.1, ປະມານ 1.52226.

ASIN

ສົ່ງຄືນຄ່າປີ້ນຊາຍໄຕມຸມມິຕິຂອງຕົວເລກ.

ໄວຍາກອນ

ASIN(ຕົວເລກ)

ຟັງຊັນນີ້ສົ່ງຄືນຄ່າປີ້ນຊາຍໄຕມຸມມິຕິຂອງ ຕົວເລກ, ນັ້ນຄືມຸມ (ເປັນເຣດຽນ) ທີ່ມີຄ່າຊາຍເທົ່າກັບຕົວເລກ. ມຸມທີ່ສົ່ງຄືນຈະຢູ່ລະຫວ່າງ -ພາຍ/2 ຫາ +ພາຍ/2.

ເພື່ອສົ່ງຄືນມຸມເປັນອົງສາ, ໃຫ້ໃຊ້ຟັງຊັນ DEGREES.

ຕົວຢ່າງ

=ASIN(0) ສົ່ງຄືນ 0.

=ASIN(1) ສົ່ງຄືນ 1.5707963267949 (ພາຍ/2 ເຣດຽນ).

=DEGREES(ASIN(0.5)) ສົ່ງຄືນ 30. ຄ່າຊາຍຂອງ 30 ອົງສາແມ່ນ 0.5.

ASINH

ສົ່ງຄືນຄ່າຊາຍໄຮເປີໂບລິກປີ້ນຂອງຕົວເລກ.

ໄວຍາກອນ

ASINH(ຕົວເລກ)

ຟັງຊັນນີ້ສົ່ງຄືນຄ່າຊາຍໄຮເປີໂບລິກປີ້ນຂອງ ຕົວເລກ, ນັ້ນຄືຕົວເລກທີ່ມີຄ່າຊາຍໄຮເປີໂບລິກເທົ່າກັບຕົວເລກ.

ຕົວຢ່າງ

=ASINH(-90) ສົ່ງຄືນປະມານ -5.1929877.

=ASINH(SINH(4)) ສົ່ງຄືນ 4.

ATAN

ສົ່ງຄືນຄ່າປີ້ນຕັງຊັງໄຕມຸມມິຕິຂອງຕົວເລກ.

ໄວຍາກອນ

ATAN(ຕົວເລກ)

ຟັງຊັນນີ້ສົ່ງຄືນຄ່າປີ້ນຕັງຊັງໄຕມຸມມິຕິຂອງ ຕົວເລກ, ນັ້ນຄືມຸມ (ເປັນເຣດຽນ) ທີ່ມີຄ່າຕັງຊັງເທົ່າກັບຕົວເລກ. ມຸມທີ່ສົ່ງຄືນຈະຢູ່ລະຫວ່າງ -ພາຍ/2 ຫາ ພາຍ/2.

ເພື່ອສົ່ງຄືນມຸມເປັນອົງສາ, ໃຫ້ໃຊ້ຟັງຊັນ DEGREES.

ຕົວຢ່າງ

=ATAN(1) ສົ່ງຄືນ 0.785398163397448 (ພາຍ/4 ເຣດຽນ).

=DEGREES(ATAN(1)) ສົ່ງຄືນ 45. ຄ່າຕັງຊັງຂອງ 45 ອົງສາແມ່ນ 1.

ATAN2

ສົ່ງຄືນມຸມ (ເປັນເຣດຽນ) ລະຫວ່າງແກນ x ແລະ ເສັ້ນຊື່ຈາກຈຸດກຳເນີດໄປຫາຈຸດ (ຕົວເລກX|ຕົວເລກY).

ຟັງຊັນນີ້ເປັນສ່ວນໜຶ່ງຂອງມາດຕະຖານ Open Document Format for Office Applications (OpenDocument) ເວີຊັນ 1.2. (ISO/IEC 26300:2-2015)

ໄວຍາກອນ

ATAN2(ຕົວເລກX; ຕົວເລກY)

ຕົວເລກX ແມ່ນຄ່າຂອງພິກັດ x.

ຕົວເລກY ແມ່ນຄ່າຂອງພິກັດ y.

ພາສາການຂຽນໂປຣແກຣມປົກກະຕິຈະມີການລຽງລຳດັບອາກິວເມັນກົງກັນຂ້າມກັນສຳລັບຟັງຊັນ atan2().

ATAN2 ສົ່ງຄືນມຸມ (ເປັນເຣດຽນ) ລະຫວ່າງແກນ x ແລະ ເສັ້ນຊື່ຈາກຈຸດກຳເນີດໄປຫາຈຸດ (ຕົວເລກX|ຕົວເລກY)

ຕົວຢ່າງ

=ATAN2(-5;9) ສົ່ງຄືນ 2.07789 ເຣດຽນ.

ເພື່ອໃຫ້ໄດ້ມຸມເປັນອົງສາ ໃຫ້ໃຊ້ຟັງຊັນ DEGREES ກັບຜົນໄດ້ຮັບ.

=DEGREES(ATAN2(12.3;12.3)) ສົ່ງຄືນ 45. ຄ່າຕັງຊັງຂອງ 45 ອົງສາແມ່ນ 1.

LibreOffice ໃຫ້ຜົນໄດ້ຮັບເປັນ 0 ສຳລັບ ATAN2(0;0).

ຟັງຊັນນີ້ສາມາດໃຊ້ໃນການແປງພິກັດສາກ (cartesian) ເປັນພິກັດຂົ້ວ (polar).

=DEGREES(ATAN2(-8;5)) ສົ່ງຄືນ φ = 147.9 ອົງສາ

ຕົວຢ່າງພິກັດສາກເປັນພິກັດຂົ້ວ

ATANH

ສົ່ງຄືນຄ່າຕັງຊັງໄຮເປີໂບລິກປີ້ນຂອງຕົວເລກ.

ໄວຍາກອນ

ATANH(ຕົວເລກ)

ຟັງຊັນນີ້ສົ່ງຄືນຄ່າຕັງຊັງໄຮເປີໂບລິກປີ້ນຂອງ ຕົວເລກ, ນັ້ນຄືຕົວເລກທີ່ມີຄ່າຕັງຊັງໄຮເປີໂບລິກເທົ່າກັບຕົວເລກ.

ຕົວເລກຕ້ອງຢູ່ພາຍໃຕ້ເງື່ອນໄຂ -1 < ຕົວເລກ < 1.

ຕົວຢ່າງ

=ATANH(0) ສົ່ງຄືນ 0.

COMBIN

ສົ່ງຄືນຈຳນວນການປະສົມສຳລັບອົງປະກອບໂດຍບໍ່ມີການຊ້ຳ.

ໄວຍາກອນ

COMBIN(ຈຳນວນ1; ຈຳນວນ2)

ຈຳນວນ1 ແມ່ນຈຳນວນຂອງລາຍການໃນຊຸດຂໍ້ມູນ.

ຈຳນວນ2 ແມ່ນຈຳນວນຂອງລາຍການທີ່ຈະເລືອກຈາກຊຸດຂໍ້ມູນ.

COMBIN ສົ່ງຄືນຈຳນວນວິທີໃນການເລືອກລາຍການເຫຼົ່ານີ້. ຕົວຢ່າງ: ຖ້າມີ 3 ລາຍການ A, B ແລະ C ໃນຊຸດຂໍ້ມູນ, ທ່ານສາມາດເລືອກ 2 ລາຍການໄດ້ໃນ 3 ວິທີທີ່ແຕກຕ່າງກັນ, ຄື AB, AC ແລະ BC.

COMBIN ໃຊ້ສູດ: ຈຳນວນ1!/(ຈຳນວນ2!*(ຈຳນວນ1-ຈຳນວນ2)!)

ຕົວຢ່າງ

=COMBIN(3;2) ສົ່ງຄືນ 3.

COMBINA

ສົ່ງຄືນຈຳນວນການປະສົມຂອງກຸ່ມຍ່ອຍຂອງລາຍການ ລວມທັງການຊ້ຳ.

ໄວຍາກອນ

COMBINA(ຈຳນວນ1; ຈຳນວນ2)

ຈຳນວນ1 ແມ່ນຈຳນວນຂອງລາຍການໃນຊຸດຂໍ້ມູນ.

ຈຳນວນ2 ແມ່ນຈຳນວນຂອງລາຍການທີ່ຈະເລືອກຈາກຊຸດຂໍ້ມູນ.

COMBINA ສົ່ງຄືນຈຳນວນວິທີທີ່ບໍ່ຊ້ຳກັນໃນການເລືອກລາຍການເຫຼົ່ານີ້, ໂດຍທີ່ລຳດັບການເລືອກບໍ່ສຳຄັນ ແລະ ອະນຸຍາດໃຫ້ມີການຊ້ຳລາຍການໄດ້. ຕົວຢ່າງ: ຖ້າມີ 3 ລາຍການ A, B ແລະ C ໃນຊຸດຂໍ້ມູນ, ທ່ານສາມາດເລືອກ 2 ລາຍການໄດ້ໃນ 6 ວິທີທີ່ແຕກຕ່າງກັນ, ຄື AA, AB, AC, BB, BC ແລະ CC.

COMBINA ໃຊ້ສູດ: (ຈຳນວນ1+ຈຳນວນ2-1)! / (ຈຳນວນ2!(ຈຳນວນ1-1)!)

ຕົວຢ່າງ

=COMBINA(3;2) ສົ່ງຄືນ 6.

CONVERT_OOO

ປ່ຽນຄ່າສະກຸນເງິນເກົ່າຂອງ 19 ປະເທດສະມາຊິກໃນກຸ່ມຢູໂຣໂຊນ ໃຫ້ເປັນເງິນເອີໂຣ ແລະ ໃນທາງກັບກັນ. ການປ່ຽນນີ້ແມ່ນໃຊ້ອັດຕາແລກປ່ຽນຄົງທີ່ຕອນທີ່ສະກຸນເງິນເຫຼົ່ານັ້ນປ່ຽນມາໃຊ້ເອີໂຣ.

ພວກເຮົາແນະນຳໃຫ້ໃຊ້ຟັງຊັນ EUROCONVERT ທີ່ມີຄວາມຍືດຫຍຸ່ນກວ່າສຳລັບການປ່ຽນສະກຸນເງິນເຫຼົ່ານີ້. CONVERT_OOO ບໍ່ແມ່ນຟັງຊັນມາດຕະຖານ ແລະ ອາດມີບັນຫາເມື່ອນຳໄປໃຊ້ໃນໂປຣແກຣມອື່ນ.

ໄວຍາກອນ

CONVERT_OOO(Value; "Text1"; "Text2")

Value ແມ່ນຈຳນວນເງິນທີ່ຕ້ອງການປ່ຽນ.

Text1 ແມ່ນຕົວອັກສອນສາມຕົວທີ່ກຳນົດສະກຸນເງິນຕົ້ນທາງ.

Text2 ແມ່ນຕົວອັກສອນສາມຕົວທີ່ກຳນົດສະກຸນເງິນປາຍທາງ.

Text1 ແລະ Text2 ຕ້ອງເປັນຄ່າໃດໜຶ່ງດັ່ງນີ້: "ATS", "BEF", "CYP", "DEM", "EEK", "ESP", "EUR", "FIM", "FRF", "GRD", "IEP", "ITL", "LTL", "LUF", "LVL", "MTL", "NLG", "PTE", "SIT", ແລະ "SKK".

ຄ່າໃດຄ່າໜຶ່ງລະຫວ່າງ Text1 ຫຼື Text2 ຕ້ອງເປັນ "EUR" ສະເໝີ.

ຕົວຢ່າງ

=CONVERT_OOO(100;"ATS";"EUR") ສົ່ງຄ່າເປັນເງິນເອີໂຣ ຈາກເງິນ 100 ຊິນລິງ ອອສເຕຣຍ.

=CONVERT_OOO(100;"EUR";"DEM") ປ່ຽນເງິນ 100 ເອີໂຣ ເປັນ ມາກ ເຢຍລະມັນ.

ເບິ່ງລາຍລະອຽດເພີ່ມເຕີມກ່ຽວກັບຟັງຊັນນີ້ໄດ້ທີ່ໜ້າວິກິ CONVERT_OOO.

COS

ສົ່ງຄືນຄ່າໂຄຊາຍຂອງມຸມທີ່ກຳນົດໃຫ້ (ເປັນເຣດຽນ).

ໄວຍາກອນ

COS(ຕົວເລກ)

ສົ່ງຄືນຄ່າໂຄຊາຍ (ໄຕມຸມມິຕິ) ຂອງ ຕົວເລກ ເຊິ່ງເປັນມຸມໃນຮູບແບບເຣດຽນ.

ເພື່ອສົ່ງຄືນຄ່າໂຄຊາຍຂອງມຸມເປັນອົງສາ, ໃຫ້ໃຊ້ຟັງຊັນ RADIANS.

ຕົວຢ່າງ

=COS(PI()*2) ສົ່ງຄືນ 1, ຄ່າໂຄຊາຍຂອງ 2*ພາຍ ເຣດຽນ.

=COS(RADIANS(60)) ສົ່ງຄືນ 0.5, ຄ່າໂຄຊາຍຂອງ 60 ອົງສາ.

COSH

ສົ່ງຄືນຄ່າໂຄຊາຍໄຮເປີໂບລິກຂອງຕົວເລກ.

ໄວຍາກອນ

COSH(ຕົວເລກ)

ສົ່ງຄືນຄ່າໂຄຊາຍໄຮເປີໂບລິກຂອງ ຕົວເລກ.

ຕົວຢ່າງ

=COSH(0) ສົ່ງຄືນ 1, ຄ່າໂຄຊາຍໄຮເປີໂບລິກຂອງ 0.

COT

ສົ່ງຄືນຄ່າໂກຕັງຊັງຂອງມຸມທີ່ກຳນົດໃຫ້ (ເປັນເຣດຽນ).

ໄວຍາກອນ

COT(ຕົວເລກ)

ສົ່ງຄືນຄ່າໂກຕັງຊັງ (ໄຕມຸມມິຕິ) ຂອງ ຕົວເລກ ເຊິ່ງເປັນມຸມໃນຮູບແບບເຣດຽນ.

ເພື່ອສົ່ງຄືນຄ່າໂກຕັງຊັງຂອງມຸມເປັນອົງສາ, ໃຫ້ໃຊ້ຟັງຊັນ RADIANS.

ຄ່າໂກຕັງຊັງຂອງມຸມໜຶ່ງແມ່ນເທົ່າກັບ 1 ຫານດ້ວຍຄ່າຕັງຊັງຂອງມຸມນັ້ນ.

ຕົວຢ່າງ:

=COT(PI()/4) ສົ່ງຄືນ 1, ຄ່າໂກຕັງຊັງຂອງ ພາຍ/4 ເຣດຽນ.

=COT(RADIANS(45)) ສົ່ງຄືນ 1, ຄ່າໂກຕັງຊັງຂອງ 45 ອົງສາ.

COTH

ສົ່ງຄືນຄ່າໂກຕັງຊັງໄຮເປີໂບລິກຂອງຕົວເລກ (ມຸມ) ທີ່ກຳນົດໃຫ້.

ໄວຍາກອນ

COTH(ຕົວເລກ)

ສົ່ງຄືນຄ່າໂກຕັງຊັງໄຮເປີໂບລິກຂອງ ຕົວເລກ.

ຕົວຢ່າງ

=COTH(1) ສົ່ງຄືນຄ່າໂກຕັງຊັງໄຮເປີໂບລິກຂອງ 1, ປະມານ 1.3130.

CSC

ສົ່ງຄືນຄ່າໂກເຊກັງຂອງມຸມທີ່ກຳນົດໃຫ້ (ເປັນເຣດຽນ). ຄ່າໂກເຊກັງຂອງມຸມໜຶ່ງແມ່ນເທົ່າກັບ 1 ຫານດ້ວຍຄ່າຊາຍຂອງມຸມນັ້ນ

ຟັງຊັນນີ້ມີໃຫ້ໃຊ້ຕັ້ງແຕ່ LibreOffice 3.5.

ໄວຍາກອນ

CSC(ຕົວເລກ)

ສົ່ງຄືນຄ່າໂກເຊກັງ (ໄຕມຸມມິຕິ) ຂອງ ຕົວເລກ ເຊິ່ງເປັນມຸມໃນຮູບແບບເຣດຽນ.

ເພື່ອສົ່ງຄືນຄ່າໂກເຊກັງຂອງມຸມເປັນອົງສາ, ໃຫ້ໃຊ້ຟັງຊັນ RADIANS.

ຕົວຢ່າງ

=CSC(PI()/4) ສົ່ງຄືນປະມານ 1.4142135624, ເຊິ່ງເປັນສ່ວນປີ້ນຂອງຄ່າຊາຍຂອງ ພາຍ/4 ເຣດຽນ.

=CSC(RADIANS(30)) ສົ່ງຄືນ 2, ຄ່າໂກເຊກັງຂອງ 30 ອົງສາ.

CSCH

ສົ່ງຄືນຄ່າໂກເຊກັງໄຮເປີໂບລິກຂອງຕົວເລກ.

ຟັງຊັນນີ້ມີໃຫ້ໃຊ້ຕັ້ງແຕ່ LibreOffice 3.5.

ໄວຍາກອນ

CSCH(ຕົວເລກ)

ສົ່ງຄືນຄ່າໂກເຊກັງໄຮເປີໂບລິກຂອງ ຕົວເລກ.

ຕົວຢ່າງ

=CSCH(1) ສົ່ງຄືນປະມານ 0.8509181282, ຄ່າໂກເຊກັງໄຮເປີໂບລິກຂອງ 1.

DEGREES

ແປງເຣດຽນເປັນອົງສາ.

ໄວຍາກອນ

DEGREES(ຕົວເລກ)

ຕົວເລກ ແມ່ນມຸມໃນຮູບແບບເຣດຽນທີ່ຈະແປງເປັນອົງສາ.

ຕົວຢ່າງ

=DEGREES(PI()) ສົ່ງຄືນ 180 ອົງສາ.

EUROCONVERT

ປ່ຽນຄ່າລະຫວ່າງສະກຸນເງິນເກົ່າຂອງບັນດາປະເທດໃນຢູໂຣບ ກັບ ສະກຸນເງິນເອີໂຣ.

ໄວຍາກອນ

EUROCONVERT(Value; "From_currency"; "To_currency" [; full_precision [; triangulation_precision]])

Value ແມ່ນຈຳນວນເງິນທີ່ຕ້ອງການປ່ຽນ.

From_currency ແລະ To_currency ແມ່ນຫົວໜ່ວຍສະກຸນເງິນຕົ້ນທາງ ແລະ ປາຍທາງ. ຄ່າເຫຼົ່ານີ້ຕ້ອງເປັນຂໍ້ຄວາມອັກສອນຫຍໍ້ທາງການ (ຕົວຢ່າງ: "EUR"). ອັດຕາແລກປ່ຽນ (ທຽບຕໍ່ເອີໂຣ) ແມ່ນຖືກກຳນົດໂດຍຄະນະກຳມາທິການຢູໂຣບ.

Full_precision ເປັນຕົວເລືອກເສີມ. ຖ້າບໍ່ໃສ່ ຫຼື ເປັນ False, ຜົນໄດ້ຮັບຈະຖືກປັດເສດຕາມຈຳນວນທົດສະນິຍົມຂອງສະກຸນເງິນປາຍທາງ. ຖ້າເປັນ True, ຜົນໄດ້ຮັບຈະບໍ່ຖືກປັດເສດ.

Triangulation_precision ເປັນຕົວເລືອກເສີມ. ຖ້ານຳໃຊ້ ແລະ ມີຄ່າ >=3, ຜົນໄດ້ຮັບລະຫວ່າງກາງຂອງການປ່ຽນແບບສາມຫຼ່ຽມ (currency1,EUR,currency2) ຈະຖືກປັດເສດຕາມຄວາມລະອຽດນັ້ນ. ຖ້າບໍ່ໃສ່, ຜົນລະຫວ່າງກາງຈະບໍ່ຖືກປັດເສດ.

ຕົວຢ່າງ

=EUROCONVERT(100;"ATS";"EUR") ປ່ຽນເງິນ 100 ຊິນລິງ ອອສເຕຣຍ ເປັນ ເອີໂຣ.

=EUROCONVERT(100;"EUR";"DEM") ປ່ຽນເງິນ 100 ເອີໂຣ ເປັນ ມາກ ເຢຍລະມັນ.

EVEN

ປັດຕົວເລກບວກຂຶ້ນເປັນຈຳນວນຖ້ວນຄູ່ຖັດໄປ ແລະ ປັດຕົວເລກລົບລົງເປັນຈຳນວນຖ້ວນຄູ່ຖັດໄປ.

ໄວຍາກອນ

EVEN(ຕົວເລກ)

ສົ່ງຄືນ ຕົວເລກ ທີ່ປັດເປັນຈຳນວນຖ້ວນຄູ່ຖັດໄປ, ຫ່າງອອກຈາກສູນ.

ຕົວຢ່າງ

=EVEN(2.3) ສົ່ງຄືນ 4.

=EVEN(2) ສົ່ງຄືນ 2.

=EVEN(0) ສົ່ງຄືນ 0.

=EVEN(-0.5) ສົ່ງຄືນ -2.

EXP

ສົ່ງຄືນ e ຂຶ້ນກຳລັງດ້ວຍຕົວເລກ. ຄ່າຄົງທີ່ e ມີຄ່າປະມານ 2.71828182845904.

ໄວຍາກອນ

EXP(ຕົວເລກ)

ຕົວເລກ ແມ່ນກຳລັງທີ່ e ຈະຖືກຂຶ້ນ.

ຕົວຢ່າງ

=EXP(1) ສົ່ງຄືນ 2.71828182845904, ເຊິ່ງແມ່ນຄ່າຄົງທີ່ທາງຄະນິດສາດ e ຕາມຄວາມລະອຽດຂອງ Calc.

FACT

ສົ່ງຄືນຄ່າແຟັກທໍຣຽວຂອງຈຳນວນຖ້ວນທີ່ບໍ່ແມ່ນຄ່າລົບ.

ໄວຍາກອນ

FACT(ຈຳນວນຖ້ວນ)

ສົ່ງຄືນ ຈຳນວນຖ້ວນ!, ແຟັກທໍຣຽວຂອງ ຈຳນວນຖ້ວນ, ຄິດໄລ່ເປັນ 1*2*3*4* ... * ຈຳນວນຖ້ວນ.

ສົ່ງຄືນຂໍ້ຜິດພາດ "ອາກິວເມັນບໍ່ຖືກຕ້ອງ" ຖ້າອາກິວເມັນເປັນຈຳນວນຖ້ວນລົບ.

ສົ່ງຄືນຂໍ້ຜິດພາດ #VALUE! ຖ້າອາກິວເມັນຫຼາຍກວ່າ 170, ເພາະເປັນຈຳນວນຖ້ວນທີ່ໃຫຍ່ເກີນໄປ (ປະມານ 7E+306).

=FACT(0) ສົ່ງຄືນ 1 ຕາມນິຍາມ.

ຖ້າອາກິວເມັນບໍ່ແມ່ນຈຳນວນຖ້ວນ, ມັນຈະຖືກແປງເປັນຄ່າຈຳນວນຖ້ວນໂດຍການປັດລົງ (floor).

ຕົວຢ່າງ

=FACT(3) ສົ່ງຄືນ 6.

=FACT(3.8) ສົ່ງຄືນ 6.

=FACT(0) ສົ່ງຄືນ 1.

GCD

ສົ່ງຄືນອຸປະຄູນຮ່ວມຫຼາຍສຸດ (ອ.ຮ.ລ) ຂອງຈຳນວນຖ້ວນສອງຈຳນວນ ຫຼື ຫຼາຍກວ່າ.

ອຸປະຄູນຮ່ວມຫຼາຍສຸດແມ່ນຈຳນວນຖ້ວນບວກທີ່ໃຫຍ່ທີ່ສຸດເຊິ່ງສາມາດຫານແຕ່ລະຈຳນວນຖ້ວນທີ່ກຳນົດໃຫ້ໄດ້ຂາດ (ບໍ່ມີເສດ).

ໄວຍາກອນ

GCD(ຈຳນວນຖ້ວນ 1 [; ຈຳນວນຖ້ວນ 2 [; … [; ຈຳນວນຖ້ວນ 255]]])

ຈຳນວນຖ້ວນ 1; ຈຳນວນຖ້ວນ 2; … ; ຈຳນວນຖ້ວນ 255 ແມ່ນຈຳນວນຖ້ວນ, ການອ້າງອີງຫ້ອງ ຫຼື ຊ່ວງຫ້ອງຂອງຈຳນວນຖ້ວນ.

ຟັງຊັນນີ້ຈະລະເວັ້ນຂໍ້ຄວາມ ຫຼື ເຊວວ່າງໃດໆພາຍໃນຊ່ວງຂໍ້ມູນ. ຫາກທ່ານສົງໄສວ່າຜົນຮັບຈາກຟັງຊັນນີ້ບໍ່ຖືກຕ້ອງ, ໃຫ້ກວດເບິ່ງຂໍ້ຄວາມໃນຊ່ວງຂໍ້ມູນ. ເພື່ອເນັ້ນເນື້ອໃນຂໍ້ຄວາມໃນຊ່ວງຂໍ້ມູນ, ໃຫ້ໃຊ້ຄຸນສົມບັດ ການເນັ້ນຄ່າ.

ຕົວຢ່າງ

=GCD(16;32;24) ໃຫ້ຜົນໄດ້ຮັບເປັນ 8, ເພາະວ່າ 8 ແມ່ນຕົວເລກທີ່ໃຫຍ່ທີ່ສຸດທີ່ສາມາດຫານ 16, 24 ແລະ 32 ໄດ້ຂາດ.

=GCD(B1:B3) ບ່ອນທີ່ເຊວ B1, B2, B3 ບັນຈຸ 9, 12, 9 ຈະໃຫ້ຜົນເປັນ 3.

GCD_EXCEL2003

ຜົນໄດ້ຮັບແມ່ນອຸປະຄູນຮ່ວມຫຼາຍສຸດຂອງລາຍການຕົວເລກ.

ຟັງຊັນທີ່ຊື່ລົງທ້າຍດ້ວຍ _ADD ຫຼື _EXCEL2003 ຈະສົ່ງກັບຄືນຜົນລັບດຽວກັນກັບຟັງຊັນ Microsoft Excel 2003 ທີ່ກ່ຽວຂ້ອງທີ່ບໍ່ມີນາມສະກຸນນັ້ນ. ໃຊ້ຟັງຊັນທີ່ບໍ່ມີນາມສະກຸນເພື່ອໃຫ້ໄດ້ຜົນລັບຕາມມາດຕະຖານສາກົນ.

ໄວຍາກອນ

GCD_EXCEL2003(ຕົວເລກ 1 [; ຕົວເລກ 2 [; … [; ຕົວເລກ 255]]])

ຕົວເລກ 1; ຕົວເລກ 2; … ; ຕົວເລກ 255 ແມ່ນຕົວເລກ, ການອ້າງອີງຫ້ອງ ຫຼື ຊ່ວງຫ້ອງຂອງຕົວເລກ.

ຕົວຢ່າງ

=GCD_EXCEL2003(5;15;25) ສົ່ງຄືນ 5.

INT

ປັດຕົວເລກລົງໃຫ້ເປັນຈຳນວນຖ້ວນທີ່ໃກ້ທີ່ສຸດ.

ໄວຍາກອນ

INT(ຕົວເລກ)

ສົ່ງຄືນ ຕົວເລກ ທີ່ປັດລົງເປັນຈຳນວນຖ້ວນທີ່ໃກ້ທີ່ສຸດ.

ຕົວເລກລົບຈະຖືກປັດລົງໃຫ້ເປັນຈຳນວນຖ້ວນທີ່ຢູ່ຖັດລົງໄປ.

ຕົວຢ່າງ

=INT(5.7) ສົ່ງຄືນ 5.

=INT(-1.3) ສົ່ງຄືນ -2.

;;

LCM

ສົ່ງຄືນທະວີຄູນຮ່ວມໜ້ອຍສຸດ (ທ.ຮ.ນ) ຂອງຈຳນວນຖ້ວນໜຶ່ງຈຳນວນ ຫຼື ຫຼາຍກວ່າ.

ໄວຍາກອນ

LCM(ຈຳນວນຖ້ວນ 1 [; ຈຳນວນຖ້ວນ 2 [; … [; ຈຳນວນຖ້ວນ 255]]])

ຕົວຢ່າງ

ຖ້າທ່ານປ້ອນຕົວເລກ 512; 1024 ແລະ 2000 ເປັນ ຈຳນວນຖ້ວນ 1; 2 ແລະ 3, ຜົນໄດ້ຮັບ 128000 ຈະຖືກສົ່ງຄືນ.

LCM_EXCEL2003

ຜົນໄດ້ຮັບແມ່ນທະວີຄູນຮ່ວມໜ້ອຍສຸດຂອງລາຍການຕົວເລກ.

ໄວຍາກອນ

LCM_EXCEL2003(ຕົວເລກ 1 [; ຕົວເລກ 2 [; … [; ຕົວເລກ 255]]])

ຕົວຢ່າງ

=LCM_EXCEL2003(5;15;25) ສົ່ງຄືນ 75.

LN

ສົ່ງຄືນໂລກາຣິດທຳມະຊາດໂດຍອີງໃສ່ຄ່າຄົງທີ່ e ຂອງຕົວເລກ. ຄ່າຄົງທີ່ e ມີຄ່າປະມານ 2.71828182845904.

ໄວຍາກອນ

LN(ຕົວເລກ)

ຕົວເລກ ແມ່ນຄ່າທີ່ຕ້ອງການຄິດໄລ່ໂລກາຣິດທຳມະຊາດ.

ຕົວຢ່າງ

=LN(3) ສົ່ງຄືນໂລກາຣິດທຳມະຊາດຂອງ 3 (ປະມານ 1.0986).

=LN(EXP(321)) ສົ່ງຄືນ 321.

LOG

ສົ່ງຄືນໂລກາຣິດຂອງຕົວເລກຕາມຖານທີ່ລະບຸ.

ໄວຍາກອນ

LOG(ຕົວເລກ [; ຖານ])

ຕົວເລກ ແມ່ນຄ່າທີ່ຕ້ອງການຄິດໄລ່ໂລກາຣິດ.

ຖານ (ທາງເລືອກ) ແມ່ນຖານສຳລັບການຄິດໄລ່ໂລກາຣິດ. ຖ້າລະເວັ້ນ, ຈະຖືວ່າເປັນຖານ 10.

ຕົວຢ່າງ

=LOG(10;3) ສົ່ງຄືນໂລກາຣິດຖານ 3 ຂອງ 10 (ປະມານ 2.0959).

=LOG(7^4;7) ສົ່ງຄືນ 4.

LOG10

ສົ່ງຄືນໂລກາຣິດຖານ 10 ຂອງຕົວເລກ.

ໄວຍາກອນ

LOG10(ຕົວເລກ)

ສົ່ງຄືນໂລກາຣິດຖານ 10 ຂອງ ຕົວເລກ.

ຕົວຢ່າງ

=LOG10(5) ສົ່ງຄືນໂລກາຣິດຖານ 10 ຂອງ 5 (ປະມານ 0.69897).

MOD

ສົ່ງຄືນເສດເມື່ອຈຳນວນຖ້ວນໜຶ່ງຫານດ້ວຍຈຳນວນຖ້ວນອີກຕົວໜຶ່ງ.

ໄວຍາກອນ

MOD(ຕົວຕັ້ງຫານ; ຕົວຫານ)

ສຳລັບອາກິວເມັນທີ່ເປັນຈຳນວນຖ້ວນ ຟັງຊັນນີ້ສົ່ງຄືນ ຕົວຕັ້ງຫານ ໂມດູໂລ ຕົວຫານ, ນັ້ນຄືເສດທີ່ໄດ້ເມື່ອ ຕົວຕັ້ງຫານ ຫານດ້ວຍ ຕົວຫານ.

ຟັງຊັນນີ້ຖືກນຳໃຊ້ໃນຮູບແບບ ຕົວຕັ້ງຫານ - ຕົວຫານ * INT(ຕົວຕັ້ງຫານ/ຕົວຫານ) , ແລະ ສູດນີ້ຈະໃຫ້ຜົນໄດ້ຮັບຖ້າອາກິວເມັນບໍ່ແມ່ນຈຳນວນຖ້ວນ.

ຕົວຢ່າງ

=MOD(22;3) ສົ່ງຄືນ 1, ເຊິ່ງແມ່ນເສດເມື່ອ 22 ຫານດ້ວຍ 3.

=MOD(11.25;2.5) ສົ່ງຄືນ 1.25.

MROUND

ສົ່ງຄ່າຕົວເລກທີ່ປັດເສດໃຫ້ເປັນພະຫຸຄູນທີ່ໃກ້ຄຽງທີ່ສຸດຂອງອີກຕົວເລກໜຶ່ງ.

ໄວຍາກອນ

MROUND(Number; Multiple)

ສົ່ງຄ່າ Number ທີ່ປັດເສດໃຫ້ເປັນພະຫຸຄູນທີ່ໃກ້ຄຽງທີ່ສຸດຂອງ Multiple.

ວິທີຄຳນວນອີກແບບໜຶ່ງແມ່ນ Multiple * ROUND(Number/Multiple).

ຕົວຢ່າງ

=MROUND(15.5;3) ສົ່ງຄ່າຄືນມາແມ່ນ 15, ເນື່ອງຈາກ 15.5 ຢູ່ໃກ້ 15 (= 3*5) ຫຼາຍກວ່າ 18 (= 3*6).

=MROUND(1.4;0.5) ສົ່ງຄ່າຄືນມາແມ່ນ 1.5 (= 0.5*3).

MULTINOMIAL

ສົ່ງຄືນຄ່າແຟັກທໍຣຽວຂອງຜົນບວກຂອງອາກິວເມັນ ຫານດ້ວຍຜົນຄູນຂອງແຟັກທໍຣຽວຂອງແຕ່ລະອາກິວເມັນ.

ໄວຍາກອນ

MULTINOMIAL(ຕົວເລກ 1 [; ຕົວເລກ 2 [; … [; ຕົວເລກ 255]]])

ຕົວຢ່າງ

=MULTINOMIAL(F11:H11) ສົ່ງຄືນ 1260, ຖ້າ F11 ຫາ H11 ບັນຈຸຄ່າ 2, 3 ແລະ 4. ນີ້ກົງກັບສູດ =(2+3+4)! / (2!*3!*4!)

ODD

ປັດເສດຕົວເລກບວກຂຶ້ນຫາຈຳນວນຖ້ວນຄີກທີ່ໃກ້ຄຽງ ແລະ ປັດເສດຕົວເລກລົບລົງຫາຈຳນວນຖ້ວນຄີກທີ່ໃກ້ຄຽງ.

ໄວຍາກອນ

ODD(Number)

ສົ່ງຄ່າ Number ທີ່ປັດເສດເປັນຈຳນວນຖ້ວນຄີກຖັດໄປ ໂດຍປັດອອກຫ່າງຈາກສູນ.

ຕົວຢ່າງ

=ODD(1.2) ສົ່ງຄ່າຄືນມາແມ່ນ 3.

=ODD(1) ສົ່ງຄ່າຄືນມາແມ່ນ 1.

=ODD(0) ສົ່ງຄ່າຄືນມາແມ່ນ 1.

=ODD(-3.1) ສົ່ງຄ່າຄືນມາແມ່ນ -5.

PI

ສົ່ງຄືນ 3.14159265358979, ເຊິ່ງແມ່ນຄ່າຄົງທີ່ທາງຄະນິດສາດ ພາຍ (PI) ທີ່ມີທົດສະນິຍົມ 14 ຕຳແໜ່ງ.

ໄວຍາກອນ

PI()

ຕົວຢ່າງ

=PI() ສົ່ງຄືນ 3.14159265358979.

POWER

ສົ່ງຄືນຕົວເລກໜຶ່ງທີ່ຂຶ້ນກຳລັງດ້ວຍຕົວເລກອີກຕົວໜຶ່ງ.

ໄວຍາກອນ

POWER(ຖານ; ເລກກຳລັງ)

ສົ່ງຄືນ ຖານ ທີ່ຂຶ້ນກຳລັງດ້ວຍ ເລກກຳລັງ.

ຜົນໄດ້ຮັບດຽວກັນສາມາດເຮັດໄດ້ໂດຍການໃຊ້ຕົວດຳເນີນການຍົກກຳລັງ ^: ຖານ^ເລກກຳລັງ

=POWER(0,0) returns 1; =POWER(0,X) reports the #NUM! error when exponent X is negative.

=POWER(B,X) may or may not report a #NUM! error when B is negative and X is not an integer.

ຕົວຢ່າງ

=POWER(4;3) ສົ່ງຄືນ 64, ເຊິ່ງແມ່ນ 4 ຂຶ້ນກຳລັງ 3.

=4^3 ກໍສົ່ງຄືນ 4 ຂຶ້ນກຳລັງ 3 ເຊັ່ນກັນ.

=POWER(2;-3) ສົ່ງຄືນ 0.125.

=POWER(-2;1/3) ສົ່ງຄືນ -1.25992104989487.

=POWER(-2;2/3) ສົ່ງຄືນຂໍ້ຜິດພາດ #NUM!.

PRODUCT

ຄູນຕົວເລກທັງໝົດທີ່ໃຫ້ມາເປັນອາກິວເມັນ ແລະ ສົ່ງຄືນຜົນຄູນ.

ໄວຍາກອນ

PRODUCT(ຕົວເລກ 1 [; ຕົວເລກ 2 [; … [; ຕົວເລກ 255]]])

ຕົວຢ່າງ

=PRODUCT(2;3;4) ສົ່ງຄືນ 24.

QUOTIENT

ສົ່ງຄືນສ່ວນທີ່ເປັນຈຳນວນຖ້ວນຂອງການຫານ.

ໄວຍາກອນ

QUOTIENT(ຕົວຕັ້ງຫານ; ຕົວຫານ)

ສົ່ງຄືນສ່ວນທີ່ເປັນຈຳນວນຖ້ວນຂອງ ຕົວຕັ້ງຫານ ຫານດ້ວຍ ຕົວຫານ.

QUOTIENT ມີຄ່າເທົ່າກັບ INT(ຕົວຕັ້ງຫານ/ຕົວຫານ) ສຳລັບຕົວຕັ້ງຫານ ແລະ ຕົວຫານທີ່ມີເຄື່ອງໝາຍຄືກັນ, ຍົກເວັ້ນແຕ່ວ່າມັນອາດຈະລາຍງານຂໍ້ຜິດພາດດ້ວຍລະຫັດຂໍ້ຜິດພາດທີ່ຕ່າງກັນ. ເວົ້າໂດຍທົ່ວໄປ, ມັນມີຄ່າເທົ່າກັບ INT(ຕົວຕັ້ງຫານ/ຕົວຫານ/SIGN(ຕົວຕັ້ງຫານ/ຕົວຫານ))*SIGN(ຕົວຕັ້ງຫານ/ຕົວຫານ).

ຕົວຢ່າງ

=QUOTIENT(11;3) ສົ່ງຄ່າຄືນມາແມ່ນ 3. ສ່ວນເສດ 2 ແມ່ນຈະຖືກຕັດອອກ.

RADIANS

ປ່ຽນຄ່າຈາກອົງສາໃຫ້ເປັນຣາດຽນ.

ໄວຍາກອນ

RADIANS(Number)

Number ແມ່ນຄ່າມຸມເປັນອົງສາທີ່ຕ້ອງການປ່ຽນໃຫ້ເປັນຣາດຽນ.

ຕົວຢ່າງ

=RADIANS(90) ສົ່ງຄ່າຄືນມາແມ່ນ 1.5707963267949, ເຊິ່ງເທົ່າກັບ PI/2 ຕາມຄວາມລະອຽດຂອງ Calc.

RAND

ສົ່ງຄ່າຕົວເລກສຸ່ມລະຫວ່າງ 0 ຫາ 1.

ຟັງຊັນນີ້ຈະຖືກຄຳນວນຄືນໃໝ່ທຸກຄັ້ງເມື່ອມີການຄຳນວນເກີດຂຶ້ນ.

ໄວຍາກອນ

RAND()

ຟັງຊັນນີ້ຈະສ້າງຕົວເລກສຸ່ມໃໝ່ທຸກຄັ້ງທີ່ Calc ຄຳນວນຄືນ. ເພື່ອບັງຄັບໃຫ້ Calc ຄຳນວນຄືນດ້ວຍມື, ໃຫ້ກົດ F9.

ເພື່ອສ້າງຕົວເລກສຸ່ມທີ່ຈະບໍ່ຄຳນວນໃໝ່, ໃຫ້ເຮັດດັ່ງນີ້:

ຄັດລອກບັນດາຫ້ອງທີ່ມີ =RAND(), ແລ້ວໃຊ້ ແກ້ໄຂ - ວາງແບບພິເສດ (ໂດຍທີ່ ວາງທັງໝົດ ແລະ ສູດ ບໍ່ໄດ້ຖືກໝາຍເລືອກ ແລະ ໃຫ້ໝາຍເລືອກ ຕົວເລກ).
ໃຊ້ຄຳສັ່ງ ຕື່ມຂໍ້ມູນໃນຫ້ອງ ດ້ວຍຕົວເລກສຸ່ມ (ແຜ່ນງານ - ຕື່ມຂໍ້ມູນໃນຫ້ອງ - ຕື່ມຕົວເລກສຸ່ມ).
ໃຊ້ຟັງຊັນ RAND.NV() ສຳລັບຕົວເລກສຸ່ມແບບບໍ່ປ່ຽນແປງ.

ຕົວຢ່າງ

=RAND() ສົ່ງຄ່າຕົວເລກສຸ່ມລະຫວ່າງ 0 ຫາ 1.

RAND.NV

ສົ່ງຄ່າຕົວເລກສຸ່ມແບບບໍ່ປ່ຽນແປງລະຫວ່າງ 0 ຫາ 1.

ໄວຍາກອນ

RAND.NV()

ຟັງຊັນນີ້ຜະລິດເລກສຸ່ມທີ່ບໍ່ປ່ຽນແປງງ່າຍໃນການປ້ອນຂໍ້ມູນ. ຟັງຊັນທີ່ບໍ່ປ່ຽນແປງງ່າຍຈະບໍ່ຖືກຄິດໄລ່ຄືນໃໝ່ໃນເຫດການການປ້ອນຂໍ້ມູນໃໝ່. ຟັງຊັນຈະບໍ່ຄິດໄລ່ຄືນໃໝ່ເມື່ອກົດ F9, ຍົກເວັ້ນເມື່ອເຄີເຊີຢູ່ເທິງເຊວທີ່ມີຟັງຊັນ ຫຼື ການໃຊ້ຄຳສັ່ງ ຄິດໄລ່ຄືນໃໝ່ຢ່າງເຕັມຮູບແບບ (Shift++F9). ຟັງຊັນຈະຖືກຄິດໄລ່ຄືນໃໝ່ເມື່ອເປີດໄຟລ໌.

ຕົວຢ່າງ

=RAND.NV() ສົ່ງຄ່າຕົວເລກສຸ່ມແບບບໍ່ປ່ຽນແປງລະຫວ່າງ 0 ຫາ 1.

ຂໍ້ມູນທາງເຕັກນິກ

ຟັງຊັນນີ້ມີໃຫ້ໃຊ້ຕັ້ງແຕ່ LibreOffice 7.0.

ຟັງຊັນນີ້ ບໍ່ແມ່ນ ສ່ວນໜຶ່ງຂອງມາດຕະຖານ Open Document Format for Office Applications (OpenDocument) ເວີຊັນ 1.3 ພາກທີ 4: ຮູບແບບສູດທີ່ຄິດໄລ່ຄືນໃໝ່ (OpenFormula). ຊື່ພື້ນທີ່ (name space) ແມ່ນ

ORG.LIBREOFFICE.RAND.NV

RANDBETWEEN

ສົ່ງຄ່າຕົວເລກສຸ່ມທີ່ເປັນຈຳນວນຖ້ວນໃນຂອບເຂດທີ່ກຳນົດ.

ຟັງຊັນນີ້ຈະຖືກຄຳນວນຄືນໃໝ່ທຸກຄັ້ງເມື່ອມີການຄຳນວນເກີດຂຶ້ນ.

ໄວຍາກອນ

RANDBETWEEN(Bottom; Top)

ສົ່ງຄ່າຕົວເລກສຸ່ມທີ່ເປັນຈຳນວນຖ້ວນ ລະຫວ່າງຈຳນວນຖ້ວນ Bottom (ຕ່ຳສຸດ) ແລະ Top (ສູງສຸດ) (ລວມທັງສອງຄ່ານີ້).

ເພື່ອສ້າງຕົວເລກແບບສຸ່ມທີ່ຈະບໍ່ມີການຄິດໄລ່ຄືນໃໝ່, ໃຫ້ສຳເນົາຫ້ອງທີ່ມີຕຳລານີ້, ແລະ ໃຊ້ ແກ້ໄຂ - ວາງແບບພິເສດ (ໂດຍທີ່ ວາງທັງໝົດ ແລະ ສູດ ບໍ່ໄດ້ໝາຍເລືອກ ແລະ ຕົວເລກ ໄດ້ໝາຍເລືອກ).

ຕົວຢ່າງ

=RANDBETWEEN(20;30) ສົ່ງຄ່າຕົວເລກສຸ່ມລະຫວ່າງ 20 ຫາ 30.

RANDBETWEEN.NV

ສົ່ງຄ່າຕົວເລກສຸ່ມຈຳນວນຖ້ວນແບບບໍ່ປ່ຽນແປງ (non-volatile) ໃນຂອບເຂດທີ່ກຳນົດ.

ໄວຍາກອນ

RANDBETWEEN.NV(Bottom; Top)

ຄືນຄ່າເລກສຸ່ມຈຳນວນຖ້ວນແບບຄົງທີ່ ລະຫວ່າງຈຳນວນຖ້ວນ ລຸ່ມ ແລະ ເທິງ (ລວມເອົາທັງສອງຄ່າ). ຟັງຊັນແບບຄົງທີ່ຈະບໍ່ຖືກຄິດໄລ່ຄືນໃໝ່ເມື່ອມີການປ້ອນຂໍ້ມູນໃໝ່ ຫຼື ເມື່ອກົດ F9. ແນວໃດກໍຕາມ, ຟັງຊັນຈະຖືກຄິດໄລ່ຄືນໃໝ່ເມື່ອກົດ F9 ໃນຂະນະທີ່ເຄີເຊີວາງຢູ່ເທິງຫ້ອງທີ່ມີຟັງຊັນນັ້ນ, ເມື່ອເປີດໄຟລ໌, ເມື່ອໃຊ້ຄຳສັ່ງ ຄິດໄລ່ຄືນໃໝ່ທັງໝົດ (Shift++F9) ແລະ ເມື່ອ ເທິງ ຫຼື ລຸ່ມ ຖືກຄິດໄລ່ຄືນໃໝ່.

ຕົວຢ່າງ

=RANDBETWEEN.NV(20;30) ສົ່ງຄ່າຕົວເລກສຸ່ມແບບບໍ່ປ່ຽນແປງລະຫວ່າງ 20 ຫາ 30.

=RANDBETWEEN.NV(A1;30) ສົ່ງຄ່າຕົວເລກສຸ່ມແບບບໍ່ປ່ຽນແປງ ລະຫວ່າງຄ່າໃນຫ້ອງ A1 ຫາ 30. ຟັງຊັນນີ້ຈະຄຳນວນໃໝ່ກໍຕໍ່ເມື່ອຄ່າໃນຫ້ອງ A1 ປ່ຽນແປງ.

ຂໍ້ມູນທາງເຕັກນິກ

ຟັງຊັນນີ້ມີໃຫ້ໃຊ້ຕັ້ງແຕ່ LibreOffice 7.0.

ORG.LIBREOFFICE.RANDBETWEEN.NV

ROUND

ປັດເສດຕົວເລກໃຫ້ເປັນຈຳນວນຕຳແໜ່ງທົດສະນິຍົມທີ່ກຳນົດ.

ໄວຍາກອນ

ROUND(Number [; Count])

ສົ່ງຄ່າ Number ທີ່ປັດເສດຕາມ Count ຕຳແໜ່ງທົດສະນິຍົມ. ຖ້າບໍ່ໃສ່ Count ຫຼື ເປັນສູນ, ຟັງຊັນຈະປັດເປັນຈຳນວນຖ້ວນທີ່ໃກ້ຄຽງທີ່ສຸດ. ຖ້າ Count ເປັນຄ່າລົບ, ຟັງຊັນຈະປັດເປັນຫຼັກສິບ, ຮ້ອຍ, ພັນ, ແລະ ອື່ນໆ ທີ່ໃກ້ຄຽງ.

ຟັງຊັນນີ້ຈະປັດເປັນຕົວເລກທີ່ໃກ້ຄຽງທີ່ສຸດ. ເບິ່ງ ROUNDDOWN ແລະ ROUNDUP ສຳລັບທາງເລືອກອື່ນ.

ຕົວຢ່າງ

=ROUND(2.348;2) ສົ່ງຄ່າຄືນມາແມ່ນ 2.35

=ROUND(-32.4834;3) ສົ່ງຄ່າຄືນມາແມ່ນ -32.483. ປ່ຽນຮູບແບບຫ້ອງຂໍ້ມູນເພື່ອເບິ່ງທົດສະນິຍົມທັງໝົດ.

=ROUND(2.348;0) ສົ່ງຄ່າຄືນມາແມ່ນ 2.

=ROUND(2.5) ສົ່ງຄ່າຄືນມາແມ່ນ 3.

=ROUND(987.65;-2) ສົ່ງຄ່າຄືນມາແມ່ນ 1000.

ROUNDDOWN

ຕັດຕົວເລກຖິ້ມໂດຍການຮັກສາຈຳນວນຫຼັກທົດສະນິຍົມຕາມທີ່ລະບຸ.

ROUNDUP

ປັດເສດຕົວເລກຂຶ້ນ, ຫ່າງຈາກສູນ, ຕາມຄວາມລະອຽດທີ່ກຳນົດ.

ໄວຍາກອນ

ROUNDUP(Number [; Count])

ສົ່ງຄ່າ Number ທີ່ປັດເສດຂຶ້ນ (ຫ່າງຈາກສູນ) ຕາມ Count ຕຳແໜ່ງທົດສະນິຍົມ. ຖ້າບໍ່ໃສ່ Count ຫຼື ເປັນສູນ, ຟັງຊັນຈະປັດຂຶ້ນເປັນຈຳນວນຖ້ວນ. ຖ້າ Count ເປັນຄ່າລົບ, ຟັງຊັນຈະປັດຂຶ້ນເປັນຫຼັກ 10, 100, 1000, ແລະ ອື່ນໆ ຖັດໄປ.

ຟັງຊັນນີ້ຈະປັດເສດອອກຫ່າງຈາກສູນ. ເບິ່ງ ROUNDDOWN ແລະ ROUND ສຳລັບທາງເລືອກອື່ນ.

ຕົວຢ່າງ

=ROUNDUP(1.1111;2) ສົ່ງຄ່າຄືນມາແມ່ນ 1.12.

=ROUNDUP(1.2345;1) ສົ່ງຄ່າຄືນມາແມ່ນ 1.3.

=ROUNDUP(45.67;0) ສົ່ງຄ່າຄືນມາແມ່ນ 46.

=ROUNDUP(-45.67) ສົ່ງຄ່າຄືນມາແມ່ນ -46.

=ROUNDUP(987.65;-2) ສົ່ງຄ່າຄືນມາແມ່ນ 1000.

SEC

ສົ່ງຄ່າເຊກັງ (secant) ຂອງມຸມທີ່ກຳນົດ (ເປັນຣາດຽນ). ເຊກັງຂອງມຸມໜຶ່ງແມ່ນເທົ່າກັບ 1 ຫານໃຫ້ ໂກຊິນ (cosine) ຂອງມຸມນັ້ນ

ຟັງຊັນນີ້ມີໃຫ້ໃຊ້ຕັ້ງແຕ່ LibreOffice 3.5.

ໄວຍາກອນ

SEC(Number)

ສົ່ງຄ່າເຊກັງ (ທາງໄຕມຸມມິຕິ) ຂອງ Number, ເຊິ່ງແມ່ນມຸມໃນຮູບແບບຣາດຽນ.

ເພື່ອຫາຄ່າເຊກັງຂອງມຸມທີ່ເປັນອົງສາ, ໃຫ້ໃຊ້ຟັງຊັນ RADIANS ກ່ອນ.

ຕົວຢ່າງ

=SEC(PI()/4) ສົ່ງຄ່າປະມານ 1.4142135624, ເຊິ່ງແມ່ນຄ່າປີ້ນຂອງໂກຊິນຂອງ PI/4 ຣາດຽນ.

=SEC(RADIANS(60)) ສົ່ງຄ່າຄືນມາແມ່ນ 2, ເຊິ່ງແມ່ນເຊກັງຂອງ 60 ອົງສາ.

SECH

ສົ່ງຄ່າເຊກັງຮີແປກໂບລິກ (hyperbolic secant) ຂອງຕົວເລກ.

ຟັງຊັນນີ້ມີໃຫ້ໃຊ້ຕັ້ງແຕ່ LibreOffice 3.5.

ໄວຍາກອນ

SECH(Number)

ສົ່ງຄ່າເຊກັງຮີແປກໂບລິກຂອງ Number.

ຕົວຢ່າງ

=SECH(0) ສົ່ງຄ່າຄືນມາແມ່ນ 1, ເຊິ່ງແມ່ນເຊກັງຮີແປກໂບລິກຂອງ 0.

SERIESSUM

ບວກພົດທຳອິດຂອງອະນຸກົມກຳລັງ.

SERIESSUM(x;n;m;c) = c₁xⁿ + c₂x^n+m + c₃x^n+2m + ... + c_ix^{n + (i-1)m}.

ໄວຍາກອນ

SERIESSUM(X; N; M; ສຳປະສິດ)

X ແມ່ນຄ່າປ້ອນເຂົ້າສຳລັບອະນຸກົມກຳລັງ.

N ແມ່ນເລກກຳລັງເລີ່ມຕົ້ນ

M ແມ່ນຄ່າທີ່ເພີ່ມຂຶ້ນເພື່ອເພີ່ມຄ່າ N

ສຳປະສິດ ແມ່ນຊຸດຂອງສຳປະສິດ. ສຳລັບແຕ່ລະສຳປະສິດ ຜົນບວກຂອງອະນຸກົມຈະຖືກຂະຫຍາຍອອກໄປຕື່ມໜຶ່ງສ່ວນ.

ຕົວຢ່າງ

=SERIESSUM(A1; 0; 1; {1; 2; 3}) ຄິດໄລ່ຄ່າຂອງ 1+2x+3x², ໂດຍທີ່ x ແມ່ນຄ່າໃນເຊວ A1. ຖ້າ A1 ບັນຈຸ 1, ສູດຈະສົ່ງຄືນ 6; ຖ້າ A1 ບັນຈຸ 2, ສູດຈະສົ່ງຄືນ 17; ຖ້າ A1 ບັນຈຸ 3, ສູດຈະສົ່ງຄືນ 34; ແລະ ຕໍ່ໆໄປ.

ເບິ່ງໜ້າວິກິ SERIESSUM ສຳລັບລາຍລະອຽດເພີ່ມເຕີມກ່ຽວກັບຟັງຊັນນີ້.

SIGN

ສົ່ງຄ່າເຄື່ອງໝາຍຂອງຕົວເລກ. ຈະສົ່ງຄ່າເປັນ 1 ຖ້າເປັນເລກບວກ, -1 ຖ້າເປັນເລກລົບ ແລະ 0 ຖ້າເປັນສູນ.

ໄວຍາກອນ

SIGN(Number)

Number ແມ່ນຕົວເລກທີ່ຕ້ອງການກວດສອບເຄື່ອງໝາຍ.

ຕົວຢ່າງ

=SIGN(3.4) ສົ່ງຄ່າຄືນມາແມ່ນ 1.

=SIGN(-4.5) ສົ່ງຄ່າຄືນມາແມ່ນ -1.

SIN

ສົ່ງຄ່າຊິນ (sine) ຂອງມຸມທີ່ກຳນົດ (ເປັນຣາດຽນ).

ໄວຍາກອນ

SIN(Number)

ສົ່ງຄ່າຊິນ (ທາງໄຕມຸມມິຕິ) ຂອງ Number, ເຊິ່ງແມ່ນມຸມໃນຮູບແບບຣາດຽນ.

ເພື່ອຫາຄ່າຊິນຂອງມຸມທີ່ເປັນອົງສາ, ໃຫ້ໃຊ້ຟັງຊັນ RADIANS ກ່ອນ.

ຕົວຢ່າງ

=SIN(PI()/2) ສົ່ງຄ່າຄືນມາແມ່ນ 1, ເຊິ່ງແມ່ນຄ່າຊິນຂອງ PI/2 ຣາດຽນ.

=SIN(RADIANS(30)) ສົ່ງຄ່າຄືນມາແມ່ນ 0.5, ເຊິ່ງແມ່ນຄ່າຊິນຂອງ 30 ອົງສາ.

SINH

ສົ່ງຄ່າຊິນຮີແປກໂບລິກ (hyperbolic sine) ຂອງຕົວເລກ.

ໄວຍາກອນ

SINH(Number)

ສົ່ງຄ່າຊິນຮີແປກໂບລິກຂອງ Number.

ຕົວຢ່າງ

=SINH(0) ສົ່ງຄ່າຄືນມາແມ່ນ 0, ເຊິ່ງແມ່ນຄ່າຊິນຮີແປກໂບລິກຂອງ 0.

SQRT

ສົ່ງຄ່າຮາກຂັ້ນສອງທີ່ເປັນບວກຂອງຕົວເລກ.

ໄວຍາກອນ

SQRT(Number)

ສົ່ງຄ່າຮາກຂັ້ນສອງທີ່ເປັນບວກຂອງ Number.

ຕົວເລກຕ້ອງເປັນຄ່າບວກ.

ຕົວຢ່າງ

=SQRT(16) ສົ່ງຄ່າຄືນມາແມ່ນ 4.

=SQRT(-16) ຈະແຈ້ງຂໍ້ຜິດພາດ ໂຕ້ແຍ້ງບໍ່ຖືກຕ້ອງ (invalid argument).

SQRTPI

ສົ່ງຄ່າຮາກຂັ້ນສອງຂອງ (ຄ່າ PI ຄູນໃຫ້ຕົວເລກ).

ໄວຍາກອນ

SQRTPI(Number)

ສົ່ງຄ່າຮາກຂັ້ນສອງທີ່ເປັນບວກຂອງ (PI ຄູນໃຫ້ Number).

ຄ່ານີ້ເທົ່າກັບການໃຊ້ສູດ SQRT(PI()*Number).

ຕົວຢ່າງ

=SQRTPI(2) ສົ່ງຄ່າຮາກຂັ້ນສອງຂອງ (2PI), ເຊິ່ງມີຄ່າປະມານ 2.506628.

SUBTOTAL

ຄຳນວນຜົນລວມຍ່ອຍ. ຖ້າຫາກຂອບເຂດຂໍ້ມູນມີຜົນລວມຍ່ອຍຢູ່ແລ້ວ, ຄ່າເຫຼົ່ານັ້ນຈະບໍ່ຖືກນຳມາຄຳນວນຊ້ຳອີກ. ໃຊ້ຟັງຊັນນີ້ຮ່ວມກັບ AutoFilters ເພື່ອຄຳນວນສະເພາະແຖວຂໍ້ມູນທີ່ຖືກຕອງອອກມາເທົ່ານັ້ນ.

ໄວຍາກອນ

SUBTOTAL(Function; Range)

Function ແມ່ນຕົວເລກທີ່ແທນໃຫ້ກັບຟັງຊັນໃດໜຶ່ງລຸ່ມນີ້:

ດັດສະນີຟັງຊັນ (ລວມຄ່າທີ່ຖືກເຊື່ອງໄວ້)	ດັດສະນີຟັງຊັນ (ບໍ່ລວມຄ່າທີ່ຖືກເຊື່ອງໄວ້)	ຟັງຊັນ
1	101	AVERAGE (ຄ່າສະເລ່ຍ)
2	102	COUNT (ນັບຈຳນວນ)
3	103	COUNTA (ນັບຄ່າທັງໝົດ)
4	104	MAX (ຄ່າສູງສຸດ)
5	105	MIN (ຄ່າຕ່ຳສຸດ)
6	106	PRODUCT (ຜົນຄູນ)
7	107	STDEV (ຄ່າຜັນປ່ຽນມາດຕະຖານ)
8	108	STDEVP (ຄ່າຜັນປ່ຽນມາດຕະຖານປະຊາກອນ)
9	109	SUM (ຜົນບວກ)
10	110	VAR (ຄ່າຄວາມຜັນແປ)
11	111	VARP (ຄ່າຄວາມຜັນແປປະຊາກອນ)

ໃຊ້ຕົວເລກ 1-11 ເພື່ອລວມແຖວທີ່ຖືກເຊື່ອງດ້ວຍມື ຫຼື 101-111 ເພື່ອບໍ່ລວມພວກມັນ; ສ່ວນຫ້ອງທີ່ຖືກຕອງອອກ (filtered-out) ແມ່ນຈະບໍ່ຖືກນຳມາຄຳນວນສະເໝີ.

Range ແມ່ນຂອບເຂດຂອງຫ້ອງຂໍ້ມູນທີ່ຕ້ອງການນຳມາຄຳນວນ.

ຕົວຢ່າງ

ສົມມຸດທ່ານມີຕາຕະລາງໃນຂອບເຂດ A1:B6 ທີ່ບັນຈຸລາຍການວັດສະດຸສຳລັບນັກຮຽນ 10 ຄົນ.

	A	B
1	ລາຍການ	ຈຳນວນ
2	ບິກ	10
3	ສໍດຳ	10
4	ປຶ້ມຂຽນ	10
5	ຢາງລຶບ	10
6	ກົບເຫຼັກສໍ	10

ສົມມຸດວ່າແຖວໜຶ່ງຖືກເຊື່ອງໄວ້ດ້ວຍມື, ສູດທຳອິດຈະສະແດງຜົນບວກຂອງທັງໝົດ 5 ລາຍການທີ່ຖືກຕອງ; ສ່ວນສູດທີສອງ ຈະສະແດງຜົນບວກສະເພາະ 4 ລາຍການທີ່ປະກົດໃຫ້ເຫັນເທົ່ານັ້ນ.

=SUBTOTAL(9;B2:B6) ສົ່ງຄ່າຄືນມາແມ່ນ 50.

=SUBTOTAL(109;B2:B6) ສົ່ງຄ່າຄືນມາແມ່ນ 40.

SUMSQ

ຄິດໄລ່ຜົນບວກຂອງກຳລັງສອງຂອງຊຸດຕົວເລກ.

ໄວຍາກອນ

SUMSQ(ຕົວເລກ 1 [; ຕົວເລກ 2 [; … [; ຕົວເລກ 255]]])

ຕົວຢ່າງ

ຖ້າທ່ານປ້ອນຕົວເລກ 2; 3 ແລະ 4 ໃນອາກິວເມັນ ຕົວເລກ 1; 2 ແລະ 3, ຜົນໄດ້ຮັບ 29 ຈະຖືກສົ່ງຄືນ.

TAN

ສົ່ງຄ່າຕັງ (tangent) ຂອງມຸມທີ່ກຳນົດ (ເປັນຣາດຽນ).

ໄວຍາກອນ

TAN(Number)

ສົ່ງຄ່າຕັງ (ທາງໄຕມຸມມິຕິ) ຂອງ Number, ເຊິ່ງແມ່ນມຸມໃນຮູບແບບຣາດຽນ.

ເພື່ອຫາຄ່າຕັງຂອງມຸມທີ່ເປັນອົງສາ, ໃຫ້ໃຊ້ຟັງຊັນ RADIANS ກ່ອນ.

ຕົວຢ່າງ

=TAN(PI()/4) ສົ່ງຄ່າຄືນມາແມ່ນ 1, ເຊິ່ງແມ່ນຄ່າຕັງຂອງ PI/4 ຣາດຽນ.

=TAN(RADIANS(45)) ສົ່ງຄ່າຄືນມາແມ່ນ 1, ເຊິ່ງແມ່ນຄ່າຕັງຂອງ 45 ອົງສາ.

TANH

ສົ່ງຄ່າຕັງຮີແປກໂບລິກ (hyperbolic tangent) ຂອງຕົວເລກ.

ໄວຍາກອນ

TANH(Number)

ສົ່ງຄ່າຕັງຮີແປກໂບລິກຂອງ Number.

ຕົວຢ່າງ

=TANH(0) ສົ່ງຄ່າຄືນມາແມ່ນ 0, ເຊິ່ງແມ່ນຄ່າຕັງຮີແປກໂບລິກຂອງ 0.

TRUNC

ຕັດຕົວເລກຖິ້ມໂດຍການຮັກສາຈຳນວນຫຼັກທົດສະນິຍົມຕາມທີ່ລະບຸ.

ຟັງຊັນຕາມໝວດໝູ່