ຕື່ມຕົວເລກສຸ່ມ

ຕື່ມໃສ່ຊ່ວງເຊວດ້ວຍຕົວເລກສຸ່ມທຽມທີ່ສ້າງຂຶ້ນໂດຍອັດຕະໂນມັດດ້ວຍຟັງຊັນການແຈກຢາຍທີ່ເລືອກ ແລະ ພາລາມິເຕີຂອງມັນ.

ຂໍ້ມູນ

ຊ່ວງເຊວ

ກຳນົດຊ່ວງຂອງເຊວທີ່ຈະຕື່ມດ້ວຍຕົວເລກສຸ່ມ. ຖ້າທ່ານໄດ້ເລືອກຊ່ວງມາກ່ອນແລ້ວ, ມັນຈະຖືກສະແດງຢູ່ທີ່ນີ້.

ຕົວສ້າງຕົວເລກສຸ່ມ

ການແຈກຢາຍ

ຟັງຊັນການແຈກຢາຍສຳລັບຕົວສ້າງຕົວເລກສຸ່ມ.

ຟັງຊັນການແຈກຢາຍທີ່ຖືກຕ້ອງ ແລະ ພາລາມິເຕີຂອງພວກມັນແມ່ນ

ການແຈກຢາຍ	ພາລາມິເຕີ
ສະໝໍ່າສະເໝີ	ຄ່າຕໍ່າສຸດ: ຄ່າຕໍ່າສຸດຂອງກຸ່ມຕົວຢ່າງ. ຄ່າສູງສຸດ: ຄ່າສູງສຸດຂອງກຸ່ມຕົວຢ່າງ.
ຈຳນວນຖ້ວນແບບສະໝໍ່າສະເໝີ	ຄ່າຕໍ່າສຸດ: ຄ່າຕໍ່າສຸດຂອງກຸ່ມຕົວຢ່າງ. ຄ່າສູງສຸດ: ຄ່າສູງສຸດຂອງກຸ່ມຕົວຢ່າງ.
ປົກກະຕິ	ຄ່າສະເລ່ຍ: ຄ່າສະເລ່ຍຂອງການແຈກຢາຍແບບປົກກະຕິ. ສ່ວນບ່ຽງເບນມາດຕະຖານ: ສ່ວນບ່ຽງເບນມາດຕະຖານຂອງການແຈກຢາຍແບບປົກກະຕິ. ຄ່າສະເລ່ຍ ແລະ ສ່ວນບ່ຽງເບນມາດຕະຖານຂອງຕົວເລກທີ່ສ້າງຂຶ້ນອາດຈະບໍ່ເທົ່າກັບຄ່າສະເລ່ຍ ແລະ ສ່ວນບ່ຽງເບນມາດຕະຖານທີ່ໃສ່ໃນກ່ອງໂຕ້ຕອບ.
ໂກຊີ	ຄ່າມັດທະຍະຖານ: ຄ່າມັດທະຍະຖານຂອງຂໍ້ມູນ ຫຼື ພາລາມິເຕີຕຳແໜ່ງ. ຊິກມາ: ພາລາມິເຕີຂະໜາດ. ຄ່າມັດທະຍະຖານ ແລະ ຊິກມາຂອງຕົວເລກທີ່ສ້າງຂຶ້ນອາດຈະບໍ່ເທົ່າກັບຂໍ້ມູນທີ່ໃສ່ໃນກ່ອງໂຕ້ຕອບ.
ແບກນູລີ	ຄ່າ p: ຄວາມເປັນໄປໄດ້ຂອງຄວາມສຳເລັດ.
ທະວິນາມ	ຄ່າ p: ຄວາມເປັນໄປໄດ້ຂອງຄວາມສຳເລັດຂອງແຕ່ລະການທົດລອງ. ຈຳນວນການທົດລອງ: ຈຳນວນຄັ້ງຂອງການທົດລອງ.
ກີກຳລັງສອງ	ຄ່າ Nu: ຈຳນວນຖ້ວນບວກທີ່ລະບຸຈຳນວນອົງສາອິດສະຫຼະ (degrees of freedom).
ເລຂາຄະນິດ	ຄ່າ p: ຄວາມເປັນໄປໄດ້ຂອງຄວາມສຳເລັດຂອງແຕ່ລະການທົດລອງ.
ທະວິນາມລົບ	ຄ່າ p: ຄວາມເປັນໄປໄດ້ຂອງຄວາມສຳເລັດຂອງແຕ່ລະການທົດລອງ. ຈຳນວນການທົດລອງ: ຈຳນວນຄັ້ງຂອງການທົດລອງ.
ປົວຊົງ	ຄ່າສະເລ່ຍ: ຄ່າສະເລ່ຍຂອງການແຈກຢາຍແບບປົວຊົງ.

ຕົວເລືອກ

ເປີດໃຊ້ຄ່າເລີ່ມຕົ້ນສຸ່ມແບບກຳນົດເອງ

ຕັ້ງຄ່າເລີ່ມຕົ້ນຂອງຕົວສ້າງຕົວເລກສຸ່ມເປັນຄ່າທີ່ຮູ້ຈັກ ຄ່າເລີ່ມຕົ້ນສຸ່ມ (Seed).

ຄ່າເລີ່ມຕົ້ນສຸ່ມ (Seed)

ຄ່າທີ່ຕັ້ງໄວ້ເພື່ອເລີ່ມຕົ້ນອັນກໍລິດທຶມຕົວສ້າງຕົວເລກສຸ່ມ. ມັນຖືກນຳໃຊ້ເພື່ອເລີ່ມຕົ້ນ (seed) ຕົວສ້າງຕົວເລກສຸ່ມເພື່ອສ້າງລຳດັບຕົວເລກສຸ່ມທຽມແບບເດີມຄືນໃໝ່. ລະບຸຈຳນວນຖ້ວນບວກ (1, 2, ...) ເພື່ອສ້າງລຳດັບສະເພາະ, ຫຼື ປະຫວ່າງໄວ້ຖ້າທ່ານບໍ່ຕ້ອງການຄຸນສົມບັດພິເສດນີ້.

ເປີດໃຊ້ການເຮັດມົນ

ເຮັດມົນຕົວເລກຕາມຈຳນວນ ຕຳແໜ່ງທົດສະນິຍົມ ທີ່ກຳນົດ.

ຕຳແໜ່ງທົດສະນິຍົມ

ຈຳນວນຕຳແໜ່ງທົດສະນິຍົມຂອງຕົວເລກທີ່ສ້າງຂຶ້ນ.