ບີບອັດ
ບີບອັດຮູບພາບທີ່ເລືອກເພື່ອຫຼຸດຂະໜາດຂໍ້ມູນ ແລະ ປ່ຽນຂະໜາດຮູບພາບໃນເອກະສານ.
ການບີບອັດຮູບພາບແມ່ນປະເພດຂອງການບີບອັດຂໍ້ມູນທີ່ໃຊ້ກັບຮູບພາບດີຈີຕອນ ເພື່ອຫຼຸດຂະໜາດການຈັດເກັບ ຫຼື ເວລາໃນການສົ່ງຂໍ້ມູນ. ການບີບອັດອາດຈະໃຊ້ປະໂຫຍດຈາກການຮັບຮູ້ທາງສາຍຕາ ແລະ ຄຸນສົມບັດທາງສະຖິຕິຂອງຂໍ້ມູນຮູບພາບເພື່ອຮັກສາຄຸນນະພາບຂອງຂໍ້ມູນ.
ການບີບອັດຮູບພາບສາມາດເປັນແບບບໍ່ສູນເສຍຄຸນນະພາບ (lossless) ຫຼື ແບບສູນເສຍຄຸນນະພາບ (lossy). ການບີບອັດແບບບໍ່ສູນເສຍຄຸນນະພາບຊ່ວຍໃຫ້ສາມາດສ້າງຮູບພາບຕົ້ນສະບັບຄືນໃໝ່ໄດ້ຢ່າງສົມບູນຈາກຂໍ້ມູນທີ່ຖືກບີບອັດ. ໃນທາງກົງກັນຂ້າມ, ການບີບອັດແບບສູນເສຍຄຸນນະພາບອະນຸຍາດໃຫ້ສ້າງຄືນໃໝ່ໄດ້ພຽງແຕ່ການປະມານຂອງຮູບພາບຕົ້ນສະບັບເທົ່ານັ້ນ, ດັ່ງນັ້ນຈຶ່ງມີການສູນເສຍຄຸນນະພາບບາງຢ່າງ, ເຖິງແມ່ນວ່າມັກຈະມີອັດຕາການບີບອັດທີ່ດີຂຶ້ນ (ແລະ ຫຼຸດຂະໜາດໄຟລ໌ລົງ).
ການບີບອັດ
ຄຸນນະພາບ JPEG
ໃຊ້ຕົວເລື່ອນເພື່ອປັບລະດັບຄຸນນະພາບຂອງການບີບອັດ JPEG, ຈາກ 0 ຫາ 100. ຄ່າ 100 ໝາຍເຖິງບໍ່ມີການສູນເສຍຄຸນນະພາບ ແລະ ຄ່າ 0 ອາດຈະເຮັດໃຫ້ຮູບພາບມີຄຸນນະພາບຕໍ່າຫຼາຍ. ຄ່າມາດຕະຖານແມ່ນ 90 ເຊິ່ງໃຫ້ຜົນໄດ້ຮັບທີ່ດີຫຼາຍ ແລະ ຫຼຸດຂະໜາດຂໍ້ມູນຮູບພາບໄດ້ຢ່າງຫຼວງຫຼາຍ.
ຄ່າການບີບອັດບໍ່ໄດ້ເປັນມາດຕະຖານດຽວກັນລະຫວ່າງຊອບແວບີບອັດຮູບພາບ JPEG ທີ່ແຕກຕ່າງກັນ.
ການບີບອັດ PNG
ເນື່ອງຈາກການບີບອັດ PNG ແມ່ນແບບບໍ່ສູນເສຍຄຸນນະພາບ, ເຫດຜົນຫຼັກທີ່ຈະໃຊ້ຄ່າການບີບອັດໜ້ອຍກວ່າ 9 ແມ່ນເມື່ອມີຄວາມຈຳເປັນຢ່າງຍິ່ງທີ່ຈະຕ້ອງຫຼຸດຂະໜາດຂອງເອກະສານໃນເວລາບັນທຶກໃນຄອມພິວເຕີທີ່ຊ້າ. ການເຮັດວຽກຂອງການຖອດການບີບອັດບໍ່ຂຶ້ນກັບລະດັບການບີບອັດ.
ຄວາມລະອຽດ
ປ່ຽນຄວາມລະອຽດຂອງຮູບພາບ
ໝາຍເອົາເພື່ອປ່ຽນຂະໜາດຂອງຮູບພາບທີ່ຖືກບີບອັດ.
ຄວາມກວ້າງ, ຄວາມສູງ
ໃຊ້ປຸ່ມໝຸນເພື່ອຕັ້ງຄວາມກວ້າງ ແລະ ຄວາມສູງໃໝ່ຂອງຮູບພາບທີ່ຖືກບີບອັດ.
ຄວາມລະອຽດ
ເລືອກຄວາມໜາແໜ້ນຂອງພິກເຊວ (ຈຸດຕໍ່ນິ້ວ - DPI) ຂອງຮູບພາບຈາກລາຍການເລືອກ.
ການປະມານຄ່າລະຫວ່າງຈຸດ (Interpolation)
ເລືອກລະບົບການຄິດໄລ່ເພື່ອຄຳນວນພິກເຊວທີ່ຖືກປະມານຄ່າ.
ຂໍ້ມູນຮູບພາບ
ຄຳນວນຂະໜາດໃໝ່
ຄລິກເພື່ອຄຳນວນຂະໜາດຂອງຂໍ້ມູນຮູບພາບ, ໂດຍອີງໃສ່ການຕັ້ງຄ່າຂອງກ່ອງໂຕ້ຕອບ.
