ຕຳແໜ່ງ
ຕັ້ງຄ່າການຫຍໍ້ໜ້າ, ໄລຍະຫ່າງ ແລະ ຕົວເລືອກການຈັດວາງສຳລັບສັນຍະລັກການໃສ່ເລກລຳດັບ, ເຊັ່ນ ຕົວເລກ ຫຼື ເຄື່ອງໝາຍຫົວຂໍ້, ໃຫ້ກັບລາຍການແບບມີລຳດັບ ແລະ ບໍ່ມີລຳດັບ.
ລະດັບ
ເລືອກລະດັບທີ່ທ່ານຕ້ອງການແກ້ໄຂ. ເພື່ອນຳໃຊ້ຕົວເລືອກໃຫ້ກັບທຸກລະດັບ, ໃຫ້ເລືອກ “1-10”.
ຕຳແໜ່ງ ແລະ ໄລຍະຫ່າງ
ໜ້ານີ້ສະແດງການຄວບຄຸມຕຳແໜ່ງທີ່ໃຊ້ໃນທຸກລຸ້ນຂອງ LibreOffice Writer. ເອກະສານບາງຢ່າງ (ທີ່ສ້າງໂດຍແອັບພລິເຄຊັນອື່ນ) ອາດຈະໃຊ້ວິທີອື່ນສຳລັບການວາງຕຳແໜ່ງ ແລະ ໄລຍະຫ່າງ. ການເປີດເອກະສານດັ່ງກ່າວຈະສະແດງການຄວບຄຸມຕຳແໜ່ງທີ່ໄດ້ອະທິບາຍໄວ້ໃນ ຕຳແໜ່ງສຳລັບຮູບແບບລາຍການ (ລຸ້ນເກົ່າ).
ຈັດວາງທີ່
ປ້ອນໄລຍະຫ່າງຈາກຂອບເຈ້ຍດ້ານຊ້າຍທີ່ສັນຍະລັກການໃສ່ເລກລຳດັບຈະຖືກຈັດວາງ.
ການຈັດວາງ
ຕັ້ງຄ່າການຈັດວາງຂອງສັນຍະລັກການໃສ່ເລກລຳດັບ. ເລືອກ "ຊ້າຍ" ເພື່ອຈັດວາງສັນຍະລັກການໃສ່ເລກລຳດັບໃຫ້ເລີ່ມຕົ້ນທີ່ຕຳແໜ່ງ "ຈັດວາງທີ່" ໂດຍກົງ. ເລືອກ "ຂວາ" ເພື່ອຈັດວາງສັນຍະລັກໃຫ້ສິ້ນສຸດກ່ອນຕຳແໜ່ງ "ຈັດວາງທີ່" ໂດຍກົງ. ເລືອກ "ກາງ" ເພື່ອໃຫ້ສັນຍະລັກຢູ່ເຄິ່ງກາງຂອງຕຳແໜ່ງ "ຈັດວາງທີ່".
ຕົວເລືອກ ການຈັດວາງເລກລຳດັບ ບໍ່ໄດ້ເປັນການຕັ້ງຄ່າການຈັດວາງຂອງຢໍ້າໜ້າ.
ຕາມດ້ວຍ
ເລືອກສິ່ງທີ່ຈະຕາມຫຼັງການໃສ່ເລກລຳດັບ: ຈຸດແທັບ, ຍະຫວ່າງ, ການຂຶ້ນແຖວໃໝ່, ຫຼື ບໍ່ມີຫຍັງ.
ຈຸດແທັບທີ່
ຖ້າທ່ານເລືອກຈຸດແທັບໃຫ້ຕາມຫຼັງການໃສ່ເລກລຳດັບ, ທ່ານສາມາດປ້ອນຄ່າທີ່ບໍ່ເປັນລົບເປັນຕຳແໜ່ງຂອງຈຸດແທັບໄດ້.
ຫຍໍ້ໜ້າທີ່
ປ້ອນໄລຍະຫ່າງຈາກຂອບເຈ້ຍດ້ານຊ້າຍຫາຈຸດເລີ່ມຕົ້ນຂອງທຸກແຖວໃນຢໍ້າໜ້າທີ່ມີເລກລຳດັບທີ່ຕາມຫຼັງແຖວທຳອິດ.
ເລີ່ມຕົ້ນ
ຕັ້ງຄ່າການຫຍໍ້ໜ້າ ແລະ ຄ່າໄລຍະຫ່າງຄືນເປັນຄ່າເລີ່ມຕົ້ນ.
