ສົ່ງອອກໄຟລ໌ຂໍ້ຄວາມ

ໄດອາລັອກ ສົ່ງອອກໄຟລ໌ຂໍ້ຄວາມ ຊ່ວຍໃຫ້ທ່ານກຳນົດຕົວເລືອກການສົ່ງອອກສຳລັບໄຟລ໌ຂໍ້ຄວາມ. ໄດອາລັອກຈະສະແດງຂຶ້ນຫາກທ່ານບັນທຶກຂໍ້ມູນສະເປຣດຊີດເປັນປະເພດໄຟລ໌ "Text CSV", ແລະ ຫາກມີການໝາຍເອົາຫ້ອງ ແກ້ໄຂການຕັ້ງຄ່າຕົວຕອງ ໃນໄດອາລັອກ ບັນທຶກເປັນ.

ຕົວເລືອກຟີວ

ກຳນົດຕົວຂັ້ນຟີວ, ຕົວຂັ້ນຂໍ້ຄວາມ ແລະ ຊຸດຕົວອັກສອນທີ່ໃຊ້ສຳລັບການສົ່ງອອກຂໍ້ຄວາມ.

ຊຸດຕົວອັກສອນ

ລະບຸຊຸດຕົວອັກສອນສຳລັບການສົ່ງອອກຂໍ້ຄວາມ.

ຕົວຂັ້ນຟີວ

ເລືອກ ຫຼື ປ້ອນຕົວຂັ້ນຟີວ, ເຊິ່ງໃຊ້ແຍກຟີວຂໍ້ມູນ.

ຕົວຂັ້ນຂໍ້ຄວາມ

ເລືອກ ຫຼື ປ້ອນຕົວຂັ້ນຂໍ້ຄວາມ, ເຊິ່ງໃຊ້ຄອບທຸກຟີວຂໍ້ມູນ.

ໃສ່ເຄື່ອງໝາຍຄຳເວົ້າທຸກເຊວຂໍ້ຄວາມ

ສົ່ງອອກທຸກເຊວຂໍ້ຄວາມໂດຍມີເຄື່ອງໝາຍຄຳເວົ້າທັງທາງໜ້າ ແລະ ທາງຫຼັງ ຕາມທີ່ຕັ້ງໄວ້ໃນຫ້ອງຕົວຂັ້ນຂໍ້ຄວາມ. ຫາກບໍ່ໄດ້ໝາຍເອົາ, ຈະມີພຽງແຕ່ເຊວຂໍ້ຄວາມທີ່ມີຕົວອັກສອນຂັ້ນຟີວເທົ່ານັ້ນທີ່ຈະຖືກໃສ່ເຄື່ອງໝາຍຄຳເວົ້າ.

ບັນທຶກເນື້ອຫາເຊວຕາມທີ່ສະແດງ

ເປີດໃຊ້ໂດຍຄ່າມາດຕະຖານ, ຂໍ້ມູນຈະຖືກບັນທຶກຕາມທີ່ສະແດງ, ລວມທັງຮູບແບບຕົວເລກທີ່ໃຊ້. ຫາກຫ້ອງນີ້ບໍ່ໄດ້ຖືກໝາຍ, ເນື້ອຫາຂໍ້ມູນດິບຈະຖືກບັນທຶກ ຄືກັບໃນຊອບແວຣ໌ເວີຊັນເກົ່າ.

ຄວາມກວ້າງຖັນຄົງທີ່

ສົ່ງອອກທຸກຟີວຂໍ້ມູນດ້ວຍຄວາມກວ້າງຄົງທີ່.

• ຄວາມກວ້າງຂອງຟີວຂໍ້ມູນໃນໄຟລ໌ຂໍ້ຄວາມທີ່ສົ່ງອອກ ຈະຖືກຕັ້ງຕາມຄວາມກວ້າງປັດຈຸບັນຂອງຖັນທີ່ກ່ຽວຂ້ອງ.

• ຄ່າຕ່າງໆ ຈະຖືກສົ່ງອອກໃນຮູບແບບຕາມທີ່ເຫັນໃນເຊວປັດຈຸບັນ.

• ຫາກຄ່າມີຄວາມຍາວເກີນຄວາມກວ້າງຖັນຄົງທີ່, ມັນຈະຖືກສົ່ງອອກເປັນຂໍ້ຄວາມ ###.

• ຫາກຂໍ້ຄວາມມີຄວາມຍາວເກີນຄວາມກວ້າງຖັນຄົງທີ່, ມັນຈະຖືກຕັດສ່ວນທ້າຍອອກ.

• ການຈັດວາງ ຊ້າຍ, ກາງ, ແລະ ຂວາ ຈະຖືກຈຳລອງໂດຍການແຊກຍະຫວ່າງ.