ການກັ່ນຕອງຜັງພິວອດ

ຕົວການກັ່ນຕອງແມ່ນໃຊ້ເພື່ອເອົາຂໍ້ມູນທີ່ບໍ່ຕ້ອງການອອກຈາກຜັງພິວອດ. ທ່ານສາມາດໃຊ້ຕົວການກັ່ນຕອງໃນຜັງພິວອດ ຫຼື ໃນ ຕາຕະລາງພິວອດ ທີ່ກ່ຽວຂ້ອງກໍໄດ້, ເນື່ອງຈາກຜົນຂອງຜັງທີ່ໄດ້ຈະຄືກັນ.

ປຸ່ມຟີວຂອງຜັງພິວອດ

ປຸ່ມຜັງພິວອດມີສະເພາະໃນຜັງພິວອດເທົ່ານັ້ນ, ຜັງປົກກະຕິຈະບໍ່ມີພວກມັນ. ປຸ່ມຕ່າງໆຈະສະແດງໂຄງຮ່າງຂອງຕາຕະລາງພິວອດ, ເຊິ່ງແມ່ນຟີວຂອງຕາຕະລາງພິວອດ. ຖ້າມີການກັ່ນຕອງ, ພວກມັນຈະສະແດງຢູ່ດ້ານເທິງ. ຟີວແຖວຈະສະແດງຢູ່ດ້ານລຸ່ມຂອງຜັງຂ້າງກັນ ແລະ ຄຳອະທິບາຍສັນຍະລັກຈະສະແດງປຸ່ມຈາກຟີວຖັນແບບຊ້ອນກັນ.

ປຸ່ມຕ່າງໆມີການເຮັດວຽກແບບປັອບອັບຕິດມານຳ. ຖ້າມີການກັ່ນຕອງບາງຢ່າງ, ລູກສອນຈະປ່ຽນເປັນສີຟ້າ (ຄືກັນກັບຕາຕະລາງພິວອດ), ເຮັດໃຫ້ເຫັນໄດ້ງ່າຍຂຶ້ນເມື່ອຟີວໃດໜຶ່ງມີການນຳໃຊ້ຕົວການກັ່ນຕອງ.

ຕົວການກັ່ນຕອງທີ່ມີຢູ່ຈະສະແດງສິ່ງທີ່ຖືກກັ່ນຕອງ: ເມື່ອບໍ່ມີຫຍັງຖືກກັ່ນຕອງຈະສະແດງ "- ທັງໝົດ -", ເມື່ອມີຂໍ້ມູນບາງຢ່າງຖືກກັ່ນຕອງຈະສະແດງ "- ຫຼາຍລາຍການ -" ແລະ ເມື່ອມີພຽງຄ່າດຽວທີ່ບໍ່ໄດ້ຖືກກັ່ນຕອງ, ຄ່ານັ້ນຈະຖືກສະແດງ.