ລະດັບຄວາມປອດໄພ

ເລືອກລະດັບ ຄວາມປອດໄພຂອງມາກໂຄຣ ຈາກໜຶ່ງໃນສີ່ຕົວເລືອກ. ຕົວເລືອກຕ່າງໆຈະແຕກຕ່າງກັນໄປຕາມລະດັບຄວາມປອດໄພ. ມາກໂຄຣທີ່ໄດ້ຮັບອະນຸຍາດໃຫ້ເຮັດວຽກໃນລະດັບຄວາມປອດໄພທີ່ສູງກວ່າ ກໍຈະໄດ້ຮັບອະນຸຍາດໃຫ້ເຮັດວຽກໃນທຸກລະດັບທີ່ຕ່ຳກວ່ານຳ.

ສູງຫຼາຍ

ສະເພາະມາກໂຄຣຈາກສະຖານທີ່ໄຟລ໌ທີ່ເຊື່ອຖືໄດ້ເທົ່ານັ້ນທີ່ໄດ້ຮັບອະນຸຍາດໃຫ້ເຮັດວຽກ. ມາກໂຄຣອື່ນໆທັງໝົດ, ບໍ່ວ່າຈະມີການເຊັນກຳກັບ ຫຼື ບໍ່, ຈະຖືກປິດໃຊ້ງານ.

ສະຖານທີ່ໄຟລ໌ທີ່ເຊື່ອຖືໄດ້ສາມາດຕັ້ງຄ່າໄດ້ໃນໜ້າແທັບ ແຫຼ່ງທີ່ມາທີ່ເຊື່ອຖືໄດ້. ມາກໂຄຣໃດໆຈາກສະຖານທີ່ໄຟລ໌ທີ່ເຊື່ອຖືໄດ້ຈະໄດ້ຮັບອະນຸຍາດໃຫ້ເຮັດວຽກ.

ສູງ

ສະເພາະມາກໂຄຣຈາກແຫຼ່ງທີ່ມາທີ່ເຊື່ອຖືໄດ້ ແລະ ມາກໂຄຣທີ່ມີການເຊັນກຳກັບ (ຈາກແຫຼ່ງໃດກໍຕາມ) ເທົ່ານັ້ນທີ່ໄດ້ຮັບອະນຸຍາດໃຫ້ເຮັດວຽກ. ມາກໂຄຣທີ່ບໍ່ໄດ້ມາຈາກແຫຼ່ງທີ່ເຊື່ອຖືໄດ້ ຫຼື ບໍ່ໄດ້ເຊັນກຳກັບຈະຖືກປິດໃຊ້ງານ.

ແຫຼ່ງທີ່ມາທີ່ເຊື່ອຖືໄດ້ສາມາດຕັ້ງຄ່າໄດ້ໃນໜ້າແທັບ ແຫຼ່ງທີ່ມາທີ່ເຊື່ອຖືໄດ້. ສະເພາະມາກໂຄຣທີ່ເຊັນກຳກັບຈາກແຫຼ່ງທີ່ເຊື່ອຖືໄດ້ເທົ່ານັ້ນທີ່ໄດ້ຮັບອະນຸຍາດໃຫ້ເຮັດວຽກ. ນອກຈາກນັ້ນ, ມາກໂຄຣໃດໆຈາກສະຖານທີ່ໄຟລ໌ທີ່ເຊື່ອຖືໄດ້ກໍໄດ້ຮັບອະນຸຍາດໃຫ້ເຮັດວຽກນຳ.

ປານກາງ

ຕ້ອງມີການຢືນຢັນກ່ອນທີ່ຈະປະຕິບັດການມາກໂຄຣຈາກແຫຼ່ງທີ່ມາທີ່ບໍ່ຮູ້ຈັກ.

ແຫຼ່ງທີ່ມາທີ່ເຊື່ອຖືໄດ້ສາມາດຕັ້ງຄ່າໄດ້ໃນໜ້າແທັບ ແຫຼ່ງທີ່ມາທີ່ເຊື່ອຖືໄດ້. ມາກໂຄຣທີ່ເຊັນກຳກັບຈາກແຫຼ່ງທີ່ເຊື່ອຖືໄດ້ຈະໄດ້ຮັບອະນຸຍາດໃຫ້ເຮັດວຽກ. ນອກຈາກນັ້ນ, ມາກໂຄຣໃດໆຈາກສະຖານທີ່ໄຟລ໌ທີ່ເຊື່ອຖືໄດ້ກໍໄດ້ຮັບອະນຸຍາດໃຫ້ເຮັດວຽກນຳ. ມາກໂຄຣອື່ນໆທັງໝົດຕ້ອງໄດ້ຮັບການຢືນຢັນຈາກທ່ານກ່ອນ.

ຕ່ຳ (ບໍ່ແນະນຳ)

ມາກໂຄຣທັງໝົດຈະຖືກປະຕິບັດການໂດຍບໍ່ຕ້ອງມີການຢືນຢັນ. ໃຊ້ການຕັ້ງຄ່ານີ້ສະເພາະເມື່ອທ່ານໝັ້ນໃຈວ່າທຸກເອກະສານທີ່ຈະເປີດນັ້ນປອດໄພ.

ມາກໂຄຣສາມາດຕັ້ງຄ່າໃຫ້ເລີ່ມຕົ້ນອັດຕະໂນມັດໄດ້, ແລະ ມັນສາມາດປະຕິບັດການທີ່ອາດສ້າງຄວາມເສຍຫາຍໄດ້ ເຊັ່ນ ລຶບ ຫຼື ປ່ຽນຊື່ໄຟລ໌. ບໍ່ແນະນຳໃຫ້ໃຊ້ການຕັ້ງຄ່ານີ້ເມື່ອທ່ານເປີດເອກະສານຈາກຜູ້ຂຽນຄົນອື່ນ.