ຕົວປ່ຽນສີ

ເປີດກ່ອງໂຕ້ຕອບຕົວປ່ຽນສີ ເຊິ່ງທ່ານສາມາດປ່ຽນສີໃນຮູບພາບແບບບິດແມັບ (bitmap) ແລະ ເມຕາໄຟລ໌ (meta file) ໄດ້.

ທ່ານສາມາດປ່ຽນສີທີ່ແຕກຕ່າງກັນໄດ້ສູງສຸດສີ່ສີໃນຄັ້ງດຽວ.

ສີຂອງຕົວປ່ຽນສີ

ສະແດງສີໃນຮູບທີ່ເລືອກ ເຊິ່ງຢູ່ກ້ອງຕຳແໜ່ງຕົວຊີ້ເມົາປັດຈຸບັນໂດຍກົງ. ຄຸນສົມບັດນີ້ຈະໃຊ້ໄດ້ກໍຕໍ່ເມື່ອເລືອກເຄື່ອງມືຕົວປ່ຽນສີໄວ້ເທົ່ານັ້ນ.

ປ່ຽນແທນ

ປ່ຽນສີຕົ້ນທາງທີ່ເລືອກໃນຮູບປັດຈຸບັນ ດ້ວຍສີທີ່ທ່ານລະບຸໄວ້ໃນຫ້ອງ ປ່ຽນແທນດ້ວຍ.

ສີ

ສະແດງລາຍການສີຕົ້ນທາງ ແລະ ສີປ່ຽນແທນ.

ຊ່ອງໝາຍສີຕົ້ນທາງ

ເລືອກຊ່ອງໝາຍນີ້ເພື່ອປ່ຽນ ສີຕົ້ນທາງ ປັດຈຸບັນດ້ວຍສີທີ່ທ່ານລະບຸໃນຫ້ອງ ປ່ຽນແທນດ້ວຍ.

ສີຕົ້ນທາງ

ສະແດງສີໃນຮູບທີ່ເລືອກທີ່ທ່ານຕ້ອງການປ່ຽນແທນ. ເພື່ອຕັ້ງສີຕົ້ນທາງ, ໃຫ້ຄລິກບ່ອນນີ້, ຄລິກຕົວປ່ຽນສີ, ແລ້ວຄລິກເລືອກສີໃນຮູບທີ່ເລືອກໄວ້.

ຄ່າຄວາມຄາດເຄື່ອນ (Tolerance)

ຕັ້ງຄ່າຄວາມຄາດເຄື່ອນສຳລັບການປ່ຽນສີຕົ້ນທາງໃນຮູບ. ເພື່ອປ່ຽນສີທີ່ມີຄວາມໃກ້ຄຽງກັບສີທີ່ທ່ານເລືອກ, ໃຫ້ປ້ອນຄ່າຕ່ຳ. ເພື່ອປ່ຽນສີໃນຂອບເຂດທີ່ກວ້າງຂຶ້ນ, ໃຫ້ປ້ອນຄ່າສູງ.

ປ່ຽນແທນດ້ວຍ

ສະແດງລາຍການສີປ່ຽນແທນທີ່ມີຢູ່. ເພື່ອແກ້ໄຂລາຍການສີປັດຈຸບັນ, ໃຫ້ຍົກເລີກການເລືອກຮູບ, ເລືອກ ຮູບແບບ - ພື້ນທີ່, ແລ້ວຄລິກແທັບ ສີ.

ຄວາມໂປ່ງໃສ

ປ່ຽນພື້ນທີ່ໂປ່ງໃສໃນຮູບປັດຈຸບັນດ້ວຍສີທີ່ທ່ານເລືອກ.

ຄວາມໂປ່ງໃສ

ເລືອກສີທີ່ຈະມາແທນທີ່ພື້ນທີ່ໂປ່ງໃສໃນຮູບປັດຈຸບັນ.