ລະບຸການຈັດຮູບແບບ ແລະ ຟອນທີ່ທ່ານຕ້ອງການນຳໃຊ້.

ການປ່ຽນແປງຈະຖືກນຳໃຊ້ກັບສ່ວນທີ່ເລືອກປັດຈຸບັນ, ທັງຄຳທີ່ມີເຄີເຊີຢູ່, ຫຼື ຂໍ້ຄວາມໃໝ່ທີ່ທ່ານພິມ.

ອີງຕາມການຕັ້ງຄ່າພາສາຂອງທ່ານ, ທ່ານສາມາດປ່ຽນການຈັດຮູບແບບສໍາລັບປະເພດຟອນຕໍ່ໄປນີ້:

• ຟອນຂໍ້ຄວາມຕາເວັນຕົກ - ຊຸດອັກສອນລາຕິນ.

• ຟອນຂໍ້ຄວາມອາຊີ - ຊຸດອັກສອນຈີນ, ຍີ່ປຸ່ນ ຫຼື ເກົາຫຼີ

• ຟອນການຈັດວາງຂໍ້ຄວາມທີ່ຊັບຊ້ອນ (CTL) - ທິດທາງຂໍ້ຄວາມຈາກຂວາໄປຊ້າຍ

ຊື່ຟອນ

ປ້ອນຊື່ຂອງຟອນທີ່ຕິດຕັ້ງແລ້ວທີ່ທ່ານຕ້ອງການໃຊ້, ຫຼື ເລືອກຟອນຈາກລາຍຊື່.

ຮູບແບບຕົວອັກສອນ

ເລືອກການຈັດຮູບແບບທີ່ທ່ານຕ້ອງການນຳໃຊ້.

ຂະໜາດຟອນ

ປ້ອນ ຫຼື ເເລືອກຂະໜາດຟອນທີ່ທ່ານຕ້ອງການນຳໃຊ້. ສໍາລັບຟອນທີ່ປັບຂະໜາດໄດ້, ທ່ານຍັງສາມາດປ້ອນຄ່າທົດສະນິຍົມໄດ້.

ຫາກທ່ານກຳລັງສ້າງສະໄຕລ໌ທີ່ອີງໃສ່ສະໄຕລ໌ອື່ນ, ທ່ານສາມາດປ້ອນຄ່າເປັນເປີເຊັນ ຫຼື ຄ່າເປັນພອຍ (point) ໄດ້ (ຕົວຢ່າງ: -2pt ຫຼື +5pt).

ພາສາ

ຕັ້ງຄ່າພາສາທີ່ຕົວສະກົດຄຳໃຊ້ສໍາລັບຂໍ້ຄວາມທີ່ເລືອກ ຫຼື ຂໍ້ຄວາມທີ່ທ່ານພິມ. ໂມດູນພາສາທີ່ມີໃຫ້ໃຊ້ຈະມີເຄື່ອງໝາຍຖືກຢູ່ທາງໜ້າ.

ຫາກລາຍຊື່ພາສາເປັນກ່ອງຄອມໂບທີ່ແກ້ໄຂໄດ້, ທ່ານສາມາດປ້ອນ ແທັກພາສາ BCP 47 ທີ່ຖືກຕ້ອງໄດ້ ຫາກພາສາທີ່ທ່ານຕ້ອງການກຳນົດບໍ່ມີຢູ່ໃນລາຍຊື່ທີ່ເລືອກໄດ້.

ສໍາລັບລາຍລະອຽດແທັກພາສາ ກະລຸນາເບິ່ງໜ້າ Wikipedia IETF language tag ແລະ ບົດຄວາມ W3C Language tags in HTML and XML.