ການນຳໃຊ້ຕົວຕອງຂັ້ນສູງ

1. ຄັດລອກຫົວຖັນຂອງຊ່ວງແຜ່ນງານທີ່ຈະຕອງໄປໃສ່ພື້ນທີ່ວ່າງໃນແຜ່ນງານ, ຈາກນັ້ນປ້ອນເງື່ອນໄຂສຳລັບຕົວຕອງໃນແຖວລຸ່ມຫົວຖັນນັ້ນ. ຂໍ້ມູນທີ່ຈັດລຽງຕາມແນວນອນໃນແຖວດຽວກັນຈະຖືກເຊື່ອມຕໍ່ດ້ວຍຕັກກະສາດ AND (ແລະ), ແລະ ຂໍ້ມູນທີ່ຈັດລຽງຕາມແນວຕັ້ງໃນຖັນດຽວກັນຈະຖືກເຊື່ອມຕໍ່ດ້ວຍຕັກກະສາດ OR (ຫຼື).

2. ເມື່ອທ່ານສ້າງແມັດທຣິກຕົວຕອງແລ້ວ, ໃຫ້ເລືອກຊ່ວງແຜ່ນງານທີ່ຈະຕອງ. ເປີດປ່ອງຢ້ຽມ ຕົວຕອງຂັ້ນສູງ ໂດຍການເລືອກ ຂໍ້ມູນ - ຕົວຕອງເພີ່ມເຕີມ - ຕົວຕອງຂັ້ນສູງ, ແລະ ກຳນົດເງື່ອນໄຂການຕອງ.

3. ຈາກນັ້ນຄລິກ ຕົກລົງ, ທ່ານຈະເຫັນວ່າສະເພາະແຖວຈາກແຜ່ນງານຕົ້ນສະບັບທີ່ມີເນື້ອໃນກົງກັບເງື່ອນໄຂການຄົ້ນຫາເທົ່ານັ້ນທີ່ຍັງສະແດງໃຫ້ເຫັນ. ແຖວອື່ນໆທັງໝົດຈະຖືກເຊື່ອງໄວ້ຊົ່ວຄາວ ແລະ ສາມາດເຮັດໃຫ້ປະກົດຄືນມາໄດ້ດ້ວຍຄຳສັ່ງ ຮູບແບບ - ແຖວ - ສະແດງ.

ຕົວຢ່າງ

ເປີດສະເປຣດຊີດທີ່ມີຂໍ້ມູນຈຳນວນຫຼາຍ. ພວກເຮົາກຳລັງໃຊ້ເອກະສານ ລາຍຮັບ ສົມມຸດ, ແຕ່ທ່ານສາມາດໃຊ້ເອກະສານອື່ນໆກໍໄດ້. ເອກະສານມີຮູບແບບດັ່ງນີ້:

	A	B	C	D	E
1	ເດືອນ	ມາດຕະຖານ	ທຸລະກິດ	ຫລູຫລາ	ຫ້ອງສຸິດ
2	ມັງກອນ	125600	200500	240000	170000
3	ກຸມພາ	160000	180300	362000	220000
4	ມີນາ	170000			ແລະ ຕໍ່ໆໄປ...

ຄັດລອກແຖວທີ 1 ທີ່ມີຫົວແຖວ (ຊື່ຟິວ), ຕົວຢ່າງໄປໃສ່ແຖວທີ 20. ປ້ອນເງື່ອນໄຂການຕອງທີ່ເຊື່ອມຕໍ່ດ້ວຍ OR ໃນແຖວທີ 21, 22, ແລະ ຕໍ່ໆໄປ.

	A	B	C	D	E
20	ເດືອນ	ມາດຕະຖານ	ທຸລະກິດ	ຫລູຫລາ	ຫ້ອງສຸິດ
21	ມັງກອນ
22		>160000

ກຳນົດໃຫ້ສະແດງສະເພາະແຖວທີ່ມີຄ່າ January ໃນເຊວ ເດືອນ ຫຼື ມີຄ່າຫຼາຍກວ່າ 160000 ໃນເຊວ ມາດຕະຖານ.

ເລືອກ ຂໍ້ມູນ - ຕົວຕອງເພີ່ມເຕີມ - ຕົວຕອງຂັ້ນສູງ, ແລ້ວເລືອກຊ່ວງ A20:E22. ຫຼັງຈາກຄລິກ ຕົກລົງ, ຈະສະແດງສະເພາະແຖວທີ່ຖືກຕອງເທົ່ານັ້ນ. ແຖວອື່ນໆຈະຖືກເຊື່ອງໄວ້.